سکھر میں کوٹ لالو کے قریب ریلوے ٹریک پر دھماکہ ہوا جس کے باعث ٹریک ٹوٹ گیا-
باغی ٹی وی :ریلوے ذرائع کے مطابق دھماکے کے باعث پٹڑی کو نقصان پہنچا اور اپ ٹریک بلاک ہوگیا ریلوے ذرائع کے مطابق دھماکے کے باعث ٹریک ٹوٹ گیا دھماکے سے تھوڑی دیر قبل مسافر ٹرین گزری تھی۔
ایس ایس پی ریلوے سکھر امجد منظور نے بتایا کہ اپ ٹریک پر کریکر کا دھماکہ ہوا۔دھماکے سے کوئی جانی نقصان نہیں ہوا۔
ایس پی ریلوے کا اس حوالے سے مزید کہنا ہے کہ اپ ٹریک پر کراچی سے پنجاب جانے والی ٹرینوں کو مختلف اسٹیشنز پر روک دیا گیا تھا۔
ڈی ایس ریلوے نے بتایا کہ ٹریک تین گھنٹے بعد بحال کر کے گرین لائن کو روانہ کر دیا گیا ہے۔
