جولائی اگست میں بجلی کے بل کم آئیں‌گے، خوشخبری ان کے لیے جو…..

لاہور: حکومت کی طرف سے بجلی کی قیمتوں میں‌اضافے کے باوجود جولائی اور اگست میں بجلی کے بل کم آنے کی امید پیدا ہوگئی ہے.یہ رعایت ان کے لیے ہے جو گرمی سے بچاو کے لیے اے سی کا استعمال کرتے ہیں، یہ رعایت نہ تو عمران خان کی طرف سے دی گئی ہے اور نہ اس میں پچھلی حکومتوں کا کوئی عمل دخل ہے. یہ رعایت اور آسانیاں قدرت کی طرف سے ہیں‌جس نے بارش اور پھر ٹھندی ہوائیں چلا کر انسانوں کی زندگیوں کو جلا بخشی ہے.

محکمہ موسمیات کے مطابق قدرت کی طرف سے ٹھنڈی ہوائیں اور بادلوں کے سائے،جزوی ابرآلود موسم سے شہر کی فضا خوشگوارہوگئی,محکمہ موسمیات کےمطابق آج زیادہ سے زیادہ درجہ حرارت 32 ڈگری سینٹی گریڈ رہنے کا امکان ہے۔

دوسری طرف قدرتی مناظر کی منظر کشی کرنے والوں نے ایک نہاہت پیارے انداز میں لاہور کے موسم کے بارے میں بیان کرتے ہوئے کہا ہے کہ مون سون میں رنگ بدلتا آسمان اور برستے بادل جہاں حبس اور گرمی سےمرجھائے چہروں پر خوشیاں بکھیرتے ہیں وہیں باغوں میں ایک بار پھر سے بہاروں کے رنگ جم جاتے ہیں۔

جب بارش آتی ہے اور پھر ٹھنڈی ہوائیں چلتی ہیں تو گلوں، شگوفوں اور کلیوں پر آیا جوبن، دیکھنے والوں کی روح تک کو سیراب کردیتا ہے، ایسے میں مرطوب آب و ہوا کی چھائی اُلجھنیں بھی دم توڑ دیتی ہیں۔