اسلام آباد: نگران وزیرداخلہ سرفراز بگٹی نے پولیس لائن ہیڈکوارٹر کا دورہ کیا
سیکرٹری داخلہ آفتاب اکبر درانی، آئی سی سی پی او ڈاکٹر اکبر ناصر خاں نے استقبال کیا۔وزیرِ داخلہ نے یادگار شہداء پر حاضری دی، پھول چڑھائے اور فاتحہ خوانی کی۔ اس موقع پر نگران وزیرداخلہ سرفراز بگٹی کا کہنا تھا کہ شہداء ہمارا قیمتی اثاثہ ہیں جنہوں نے اپنا آج ہمارے کل پر قربان کردیا، شہادت جیسی سعادت صرف نصیب والوں کو ملتی ہے،
وزیرِ داخلہ نے سنٹرل پولیس آفس کا دورہ کیا اور خواتین ڈرائیونگ سنٹر کا افتتاح کیا۔وزیرِ داخلہ کوافسران کے ساتھ ملاقات میں تفصیلی بریفنگ دی گئی۔ آئی سی سی پی او نے وزارت داخلہ کا ہرسطح پر اسلام آباد پولیس سے تعاون پر شکریہ ادا کیا۔آئی سی سی پی او نے وزیر داخلہ کو اسلام آباد پولیس کی کامیابیوں اور اقدامات کے متعلق آگاہ کیا۔ آئی سی سی پی او نے اسلام آباد میں جرائم کے حوالے سے بھی بریفنگ دی۔ جس میں بتایا گیا کہ رواں سال گزشتہ سال کی نسبت کرائم میں کمی واقع ہوئی۔اسلام آباد پولیس منشیات کے خلاف بھرپور مہم چلا رہی ہے، غیرقانونی رہائش پذیر غیرملکیوں کی ملک بدری کا پلان زیر بحث لایا گیا۔
وزیر داخلہ سرفراز بگٹی کا کہنا تھا کہ اسلام آباد پولیس کو جدید تکنیکی صلاحیتوں سے لیس کیا جائیگا، وزیر داخلہ نے اسلام آباد پولیس کو گزشتہ سال اسلام آباد میں امن و عامہ کی صورتحال کو پرامن طریقہ سے نمٹانے پر شاباش دی اور کہا کہ تمام افسران جوانمردی اور دل لگی سے فرائض ادا کریں، ریاست کی بالا دستی کو ہرصورت قائم رکھا جائے گا، تمام افسران شہریوں سے شائستہ رویہ اپنائیں اور ان کے مسائل کو حل کریں،
ثناء اللہ نے نگران وزیر داخلہ سرفراز بگٹی کے بیان کو "حد سے تجاوز” قرار دے دیا
سرفراز احمد بگٹی نے نواز شریف کی گرفتاری پر بیان کے حوالے سے وضاحت دی ہے
عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔
ریاست مخالف پروپیگنڈے کوبرداشت کریں گے نہ جھکیں گے۔
استحکام پاکستان پارٹی کی پریس کانفرنس، فواد چودھری "منہ” چھپاتے رہے، تصاویر وائرل
