قومی اسمبلی میں اپوزیشن لیڈر راجہ ریاض کی تقرری کے خلاف لاہور ہائیکورٹ میں درخواست دائر کر دی گئی
راجہ ریاض کے خلاف دائر درخواست میں کہا گیا ہے کہ راجہ ریاض غیر قانونی طور پر اپوزیشن لیڈر بنے ہیں ۔ اسمبلی میں تقریر کے دوران بھی راجہ ریاض نے بہت کچھ واضح کردیا ہے ۔عدالتی حکم کے باوجود ابھی تک جواب بھی داخل نہیں کیا گیا ۔ سپیکر قومی اسمبلی اور وفاقی حکومت کو مراسلہ بھی لکھا گیا کہ تفصیلات فراہم کی جائیں ۔تفصیلات بھی فراہم نہیں کی گئیں اور نہ ہی جواب داخل کیا گیا۔عدالت قانون کے مطابق کارروائی کرنے کا حکم جاری کرے۔عدالت راجہ ریاض کی بطور اپوزیشن لیڈر تقرری غیر آئینی قرار دے ۔
واضح رہے کہ لاہور ہائیکورٹ میں اسے قبل بھی درخواست دائر کی تھی جس پر قومی اسمبلی میں قائد حزب اختلاف راجہ ریاض کو عہدے سے ہٹانے کی درخواست پر تحریری فیصلہ کرتے ہوئے عدالت نے اسپیکر قومی اسمبلی کو اپوزیشن لیڈر کے معاملے پر فیصلہ کرنے کا حکم دیا تھا، درخواست گزار نے سپیکر کو درخواست دی تا ہم سپیکر نے درخواست نمٹا دی، جس کے بعد درخواست گزار دوبارہ عدالت پہنچ گیا
راجہ ریاض کو عہدے سے ہٹانے کی درخواست پر سماعت
اسمبلی کی کارروائی کو عدالت کے فورم پر چیلنج نہیں کیا جاسکتا۔
ناموس رسالت پر منافقت بند کرو، قومی اسمبلی لبیک یا رسول اللہ کے نعروں سے گونج اٹھی
