اپوزیشن لیڈرراجہ ریاض کو ہٹانے سے متعلق کیس کا تحریری حکم جاری

لاہور: لاہور ہائیکورٹ نے اپوزیشن لیڈر قومی اسمبلی راجہ ریاض کو ہٹانے سے متعلق کیس کا 2 صفحات پر مشتمل تحریری حکم جاری کر دیا-

باغی ٹی وی : قومی اسمبلی میں قائد حزب اختلاف راجہ ریاض کو عہدے سے ہٹانے کی درخواست پر تحریری فیصلہ کرتے ہوئے عدالت نے اسپیکر قومی اسمبلی کو اپوزیشن لیڈر کے معاملے پر فیصلہ کرنے کا حکم دے دیا۔

عمران اور پی ٹی آئی کو نااہل قرار دینے کی کوشش کرنے والےپچھتائیں گے۔ شیخ رشید

لاہور ہائیکورٹ کے تحریری فیصلے میں کہا گیا ہے کہ استدعا کی گئی کہ عدالت اسپیکر کو پابند کرے کہ درخواست گزار کا موقف سن کر فیصلے کرے-

عدالت نے تحریری حکم میں درخواست گزار سے استفسار کیا کہ اسپیکر کس قانون کے تحت نان ممبر کو سن کر فیصلے کرے، جس پر درخواست گزار نے اپنے دلائل کے حق میں سپریم کورٹ کا فیصلہ پیش کیا –

پنجاب: اراکین اسمبلی آج عہدوں کا حلف اٹھائیں گے

عدالت نے فیصلے میں کہا ہے کہ ایڈیشنل اٹارنی جنرل متعلقہ حکام کو عدالتی حکم سے آگاہ کریں اور رجسٹرار آفس درخواست اور فیصلے کی مصدقہ نقول ہائیکورٹ آفس پٹیشن کی کاپی اور تمام دستاویزات اسپیکر قومی اسمبلی کو بھجوائے اسپیکر قومی اسمبلی اس پٹیشن کو ہی درخواست سمجھ کر فیصلہ کریں گے-

تحریری حکمنامے میں کہا گیا کہ اسپیکر قومی اسمبلی اپوزیشن لیڈر راجہ ریاض کیخلاف درخواست پر قانون اور اسمبلی رولز کے تحت 30دن میں فیصلہ کریں،اسپیکر اس حوالے سے بھی مشاورت کرے کہ درخواست گزار کو سننے کا موقع دینا ہے یا نہیں-

بیرون ملک بسنے والے پاکستانیوں کو وطن کے سفیر سمجھتے ہیں،پرویز الہی