راکھی پولیس سٹیشن پہنچ گئیں

راکھی ساونت جو کہ آج کل کافی پریشانی کا شکار ہیں، ایک طرف حال ہی میں ان کی ماں کا انتقال ہوا وہیں وہ اپنی اذدواجی زندگی کو لیکر کافی ہیں پریشان. تازہ ترین اطلاعات یہ ہیں‌کہ گزشتہ رات راکھی ساونت ممبئی پولیس کے پاس پہنچ گئیں انہوں‌نے تحفظات کا اظہار کرتے ہوئے کہاکہ میرے شوہرعادل کے پاس میرے فلیٹ‌ کی چابی ہے مجھے ڈر ہے کہ وہ آ کر مجھ سے مار پیٹ کرے گا اس لئے میری مدد کریں اور اس سے میرے فلیٹ کی چابی مجھے واپس لے دیں. راکھی نے پولیس کو اپنے اور عادل کے رشتے کی موجودہ صورتحال بتائی اور مدد مانگ لی. راکھی نے اس موقع پر میڈیا سے گفتگو کرتے ہوئے کہا کہ ان کا شوہر عاد ل درانی ان کو پریشان کررہا ہے، وہ نہ صرف مجھے مارتا ہے بلکہ میری

عمر کے طعنے مجھے دیتا رہتا ہے اور کہتا ہے کہ ہمارے پیغمبر نے بھی بڑی عورت کے ساتھ شادی کی تھی ، یوں ہمارے ہاں بڑی عمر کی عورت سے شادی کرنا سنت ہے. راکھی نے کہا کہ میں عادل سے سات سال بڑی ہوں ، عادل نے اپنی مرضی سے مجھ سے شادی کی ہے میں نے کوئی زور زبردستی نہیں کی تھی. انہوں نے مزید کہا کہ اگر میں بڑی عمر کی ہوں تو کیا ہوا اس کے ساتھ کوئی دھوکہ تو نہیں کررہی ہوں نا یہ تو مجھے دھوکہ دے رہا ہے.