پاکستان فلم انڈسٹری کی معروف اداکارہ رانی کی گزشتہ روز تیسویں برسی تھی ، ان کی ہر برسی کے موقع پر ان بیٹی رابعہ نے آرٹ گیلری میں ان کے کام کی تصاویری نمائش کرتی ہیں، اس بار بھی رابعہ نے اپنی والدہ رانی کی خوبصورت تصاویر کو خوبصورت آرٹ کے زریعے پیش کیا. اس موقع پر سینئر داکار غلام محی الدین ، علی محی الدین ، ناصر ادیب ، راشد خواجہ ، مومن ثاقب ، اماں نے شرکت کی. سب کا یہی کہنا تھا کہ رانی ایک بہترین اداکارہ تھیں ان کے فن کا جادو آج بھی اثر رکھتا ہے. آرٹس گیلری میں تصاویر نمائش کے ساتھ ساتھ رانی کے وڈیو گیت بھی چلائے جا رہے تھے جس
سے دیکھنے والے بے حد محظوظ ہو رہے تھے. رانی کی ڈیتھ اینیورسری ان کی بیٹی ہر سال اسی طرح مناتی ہیں اور ان کی تصاویری نمائش کرتی ہیں. آرٹ گیلری میں نوجوانوں کی ایک بڑی تعداد آئی اور رانی کی تصاویر اور ان کے کام کو سراہا. رابعہ حسن نے اس موقع پر کہا کہ ماں کا انتقال ہوئے تیس برس ہوئے ہیں لیکن مجھے ایسا لگتا ہے کہ ماں آج بھی میرے اردگرد ہے کہیں.
