راؤ فرحان ہزاروں سوگوران کی موجودگی میں سپرد خاک

راؤ فرحان ہزاروں سوگوران کی موجودگی میں سپرد خاک

باغی ٹی وی : راؤ فرحان کو ہزاروں سوگوران کی موجودگی میں سپرد خاک کردیا گیا .راؤ فرحان مصطفوی سٹوڈنٹس موومنٹ بوریوالہ کے نائب صدر تھے۔ایک ماہ پہلے ایک پرتشدد طلبہ تنظیم کے غنڈوں نے فائرنگ کرکے شدید زخمی کر دیاتھا۔بوریوالہ مصطفوی سٹوڈنٹس موومنٹ کے نائب صدر راؤ فرحان کو بوریوالہ شاہ زکریا قبرستان میں سپرد خاک کر دیا گیا۔

نماز جنازہ میں مرکزی صدر ایم ایس ایم چوہدری عرفان یوسف،مرکزی سیکرٹری جنرل ایم ایس ایم چوہدری ضلج انقلابی سیکرٹری،سوشل میڈیا ہیڈ ایم ایس ایم سیدفراز ہاشمی، عمران بھٹی صدر ایم ایس ایم جنوبی پنجاب، میر احسن منیر صدر ایم ایس ایم کشمیر و ناردرن زون،سابق مرکزی سیکرٹری جنرل رانا تجمل حسین سمیت ہزاروں کارکنان ایم ایس ایم اور اہل علاقہ نے شرکت کی۔نماز جنازہ کے موقع پر انتہائی رقت انگیز مناظر دیکھنے کو آئے،اس موقع پر ہر آنکھ اشک بار تھی۔شہید راؤ فرحان کو ان کی وصیت کے مطابق ایم ایس ایم کے پرچم میں دفن کر دیا گیا۔مرکزی صدر ایم ایس ایم چوہدری عرفان یوسف اور دیگر رہنماؤں نے کہا کہ راؤ فرحان کا خلا کبھی پورا نہیں ہوپائے گا۔انہوں نے مزید کہا کہ انشاء اللہ راؤ فرحان کا انصاف لے کر دم لیں گے۔