روینہ ٹنڈن کی بیٹی کے ہمراہ ٹک ٹاک ویڈیو کے چرچے

بالی وڈ کی معروف اداکارہ روینہ ٹنڈن نے بیٹی کے ہمراہ ٹک ٹاک ویڈیو بنالی جسے صارفین کی جانب سے خوب پسند کیا جا رہا ہے-

باغی ٹی وی :روینہ ٹنڈن نے فوٹو اینڈ ویڈیو شیئرنگ ایپ انسٹاگرام پر اپنی نئی ٹک ٹاک ویڈیو شیئر کی ہے جس میں اداکارہ کے ہمراہ اُن کی بیٹی کو بھی دیکھا جاسکتا ہے۔

بالی وڈ اداکارہ کی جانب سے جس ریپ سانگ پر ٹک ٹاک ویڈیو بنائی گئی ہے وہ بگ باس 13 کی مدمقابل شہناز گِل کے مشہور ڈائیلاگز پر مبنی ہے۔

بگ باس کے 13ویں سیزن میں شہناز گل نے کچھ یوں یہ الفاظ کہے تھے:کیا کروں؟ میں مرجاؤں؟ ،میری کوئی فیلنگز نہیں ہیں؟ تمہاری فیلنگز تمہاری ،توڈا کُتا ٹومی اور ساڈا کُتا کُتا-

شہناز گل کے منہ سے بولے گئے یہ الفاظ بھارت سمیت دُنیا بھر میں اس قدر مشہور ہوئے تھے کہ ان جملوں نے ایک ڈائیلاگ کی شکل اختیار کرلی اور اب انہی ڈائیلاگ پر مبنی ایک بھارتی ریپ سانگ بھی تیار کیا گیا ہے جسے خوب مقبولیت حاصل ہورہی ہے۔

روینہ ٹنڈن نے انسٹاگرام پر یہ ٹک ٹاک ویڈیو شیئر کرتے ہوئے شہناز گل اور ریپ گلوکار یشراج مکہٹی کی بہت تعریف بھی کی۔

اداکارہ کی جانب سے انسٹاگرام پر 17 گھنٹے قبل شئیر کی گئی ٹک ٹاک ویڈیوپر اب تک 1 لاکھ 44 ہزار سے زائد لائکس آچکے ہیں۔

ویڈیو کو نہ صرف صارفین بلکہ معروف شخصیات کی جانب سے بھی بے حد سراہا جا رہا ہے-