بھارت:خفیہ اداروں میں بڑے پیمانے پر تبدیلیاں سامانت کمار گوئل کو را اور آروند کمار کو آئی بی کا سربراہ مقرر

نئی دہلی :بھارتی وزیر اعظم نریندرا مودی نے بھارت میں امن و امان کی بگڑتی ہوئی صورت حال کے پیش نظر دو اہم اداروں "را”اور "آئی بی” کے سربراہان کو تبدیل کرنے کا فیصلہ کرلیا ہے. معتبر ذرائع کے حوالے سے یہ معلوم ہوا ہے کہ مودی نے سامانت کمار گوئل کو بدنام زمانہ خفیہ ایجنسی "را” کا چیف مقرر کیا ہے جبکہ انٹیلی جنس بیورو کے لیے آروند کمار کو سربراہ مقرر کرکے آتے ہی اپنی پرانی پالیسیوں میں بڑے پیمانے پر تبدیل کردیا ہے.

ان تقرریوں کے حوالے سے کابینہ کی کمیٹی کے سامنے یہ دونام رکھے گئے تھے جنہیں متفقہ طور پر قبول کرلیا گیا ہے.یہ دونوں سربراہاں دو سال کے لیے مقرر کیےگئے ہیں.آرونڈ کمار 30 جون سے آئی بی کے سربراہ کے طور پر ذمہ داریاں سنبھالیں گے جبکہ را کے چیف سامانت کمار گوئل ہفتہ کے روز چارج سنبھال لیں گے.