رواں سال میں ٹک ٹاک استعمال کر کے فہد مصطفی کو مایوس کروں گی

رواں سال میں جتنا ممکن ہو سکا زیادہ ٹک ٹاک استعمال کر کے فہد مصطفی کو مایوس کروں گی:ہانیہ عامر

پاکستان کے نامور اداکار اور جیتو پاکستان شو کے میزبان فہد مصطفیٰ نے چند روز قبل سماجی رابطے کی ویب سائٹ ٹوئٹر پر والدین کو پیغام دیتے ہوئے لکھا تھا کہ وہ اپنے بچوں کو ٹک ٹاک ایپ سے دور رکھیں کیوں کہ یہ ان کا وقت ضائع کررہی ہے جس کے بعد اداکار کو مداحوں کی شدید تنقید کا سامنا کرنا پڑا تاہم اب مداحوں کے ساتھ ساتھ ساتھی اداکارہ ہانیہ عامر نے بھی فہد مصطفیٰ کا مذاق اڑادیا

بعدازاں نئے سال کے موقع پر بھی فہد مصطفیٰ نے نئے سال کی مبارکباد دیتے ہوئے بھی اپنے ٹوئٹر اکاؤنٹ پر یہی لکھا تھا کہ بھولنا نہیں سب کو ٹک ٹاک سے دور رہنا ہے

انسٹاگرام پر اسٹوریز کے ذریعے ہانیہ عامر نے چند ویڈیوز شیئر کیں جن میں وہ ٹک ٹاک کے خلاف بولنے پر فہد مصطفی کو جواب دیتی نظر آ رہی ہیں انہوں نے مداحوں کو نئے سال کا منصوبہ بتاتے ہوئے کہا کہ کہ میرے نئے سال کا منصوبہ ہے کہ میں ٹک ٹاک استعمال کرکے فہد مصطفیٰ کو مایوس کروں گی ہانیہ عامر نے کہا جتنا ہوسکا اتنا زیادہ ٹک ٹاک استعمال کروں گی اور کوشش کروں گی کہ اس سے کچھ تخلیق کرسکوں

انہوں نے ٹک ٹاک پر اپنا یوزرنیم بھی مداحوں کے ساتھ شیئر کیا اور یہ بھی بتایا کہ انہوں نے اب تک صرف ایک ویڈیو اپ لوڈ کی ہے جس میں وہ پیانو بجاتی نظر آئیں البتہ اداکارہ نے یہ بھی وعدہ کیا کہ وہ جلد اور بھی ویڈیوز بناکر شیئر کریں گی جو مزاحیہ ہونے کے ساتھ ساتھ بے معنی بھی ہوں گی کیوں کہ آج کل ان کا صرف یہی کرنے کا مقصد اور اردہ ہے

دوسری جانب فہد مصطفیٰ نے اب تک اس حوالے سے ہانیہ کو کوئی جواب نہیں دیا خیال رہے کہ ہانیہ عامر اور فہد مصطفیٰ ایک ساتھ ‘نامعلوم افراد 2’ میں کام کرچکے ہیں