لاہور : پولیس میں بھرتیوں پرعائد پابندی ختم، بے روزگارنوجوانوں کی بجائے ریٹائرڈ افراد کونوازنے کا منصوبہ،اطلاعات کےمطابق پنجاب حکومت نے محکمہ پولیس میں بھرتیوں پر پابندی ختم کردی،
پنجاب پولیس ذرائع کے مطابق مزید310نئی بھرتیوں کیلئے منظوری بھی دے دی گئی، ریٹائرڈ جوانوں کو بھرتی کرنے کا فیصلہ کیا گیا ہے۔یہ بات بھی قابل غورہے کہ ملک میںجہاںایک طرف بہت زیادہ بے روزگاری ہےاور بڑے پڑھے لکھے نوجوان بے روزگارپھر رہےہیں ایسے میں پہلے ریٹائرڈ ، پینشن اوردیگرمراعات لینے والے ریٹائرڈ افراد کی بھرتی کے فیصلے پرحیرانی ہورہی ہے
اس کے علاوہ محکمہ پولیس میں310نئی بھرتیوں کیلئے منظوری دے دی گئی۔ اس حوالے سے ذرائع کا کہنا ہے کہ ایلیٹ پولیس ٹریننگ اسکول کیلئے ریٹائرڈ جوانوں کی بھرتی کا فیصلہ کیا گیا ہے۔
اسٹینڈنگ کمیٹی برائے خزانہ نے محکمہ داخلہ کی سمری منظور کرلی، ریٹائرڈ جوان ایلیٹ پولیس ٹریننگ اسکول کی سیکیورٹی دیکھیں گے، اس کے علاوہ اسپیشل برانچ میں ٹیکنکل کیڈر کی277آسامیوں پر بھرتی کی بھی منظوری دی گئی۔
