رول 17 کے تحت بھرتیاں شروع

وزیر اعلی پنجاب سردار عثمان احمد خان بزدار کے حکم پر ضلعی انتظامیہ خانیوال نے بڑا اقدام اٹھاتے ہوئے رول 17 اے کے تحت بھرتیاں شروع کردیں-

ڈپٹی کمشنر آغا ظہیر عباس شیرازی نے اپنے دفتر میں منعقدہ تقریب میں دوران سروس وفات پانے والے ملازمین کے 8 بچوں میں جونئیر کلرک بھرتی کے آرڈرز تقسیم کیئے-قبل ازیں 8 ملازمین کے بچوں میں نائب قاصد تعیاتی کے آرڈرز بھی تقسیم کئیے جاچکے ہیں -اس موقع پر ایڈیشنل ڈپٹی کمشنر ریونیو وقار احمد خان بھی موجود تھے-

ڈپٹی کمشنر نے اس موقع پر کہا کہ دوران سروس وفات پانے والے ملازمین کے بچے ملازمت کا قانونی حق رکھتے ہیں ایسے معاملات میں تاخیر کسی صورت برداشت نہیں کی جائیگی-انہوں نے کہا کہ تمام محکمہ رول 17 اے کے تحت بھرتیاں جلد از جلد مکمل کریں-