+9251
سینئر اداکارہ ریما خان نے اپنے حالیہ انٹرویو میں کہا ہے کہ احسن خان ایک بہترین اداکار ہیں انہوں نے بہت محنت کرنے کے بعد یہ مقام پایا ہے۔ وہ جب شوبز انڈسٹری میں آئے تھے تو کافی کم عمر تھے انہوں نے دن رات محنت کی ۔ ریما خان نے کہا کہ بہت کم لوگ ایسے ہوتے ہیں جو محنت پر یقین رکھتے ہیں زیادہ تر تو میں نے ایسے لوگ دیکھے ہیں جو شارٹ پر یقین رکھتے ہیں ۔ ایک سوال کے جواب میں ریما خان نے کہا کہ جو انسان بھی محنت کرتا ہے وہ اسکا صلہ ضرور پاتا ہے چاہے دیر سے ہی سہی لیکن اسکو اپنی محنت کا ثمر ضرور ملتا ہے۔
انہوں نے کہا کہ ”میں نے اور احسن خان نے فلم نکاح میں ایک ساتھ کام کیا تھا۔ انہوں نے چھوٹی اور بڑی سکرین دونوں جگہ قسمت آزمائی کی اور انہیں ہر جگہ ان کے چاہنے والوں نے سراہا”۔ ریما خان نے کہا کہ میں نے بھی جب شوبز انڈسٹری میں آنے کا فیصلہ کیا تو یہ بھی فیصلہ ساتھ ہی کر لیا دن رات محنت کرنی ہے ، خدا کرنا ہوا کہ میری پہلی ہی فلم سپر ہٹ ہو گئی اور راتوں رات میں سٹار بن گئی لیکن اس سٹار ڈم کو قائم رکھنے کےلئے بہت محنت کرنا پڑی۔
