ڈجکوٹ :ناجائز تعلقات قائم کرنے سے انکار، خاتون نے نوجوان کا”عضوخاص” کاٹ کرجنسی صلاحیت سے محروم کر دیاا،اطلاعات کےمطابق ناجائز تعلقات قائم کرنے سے انکار، خاتون نے نوجوان کو جنسی صلاحیت سے محروم کر دیا۔
تفصیلات کے مطابق ڈجکوٹ میں پیش آئے ایک افسوسناک واقعے میں نوجوان کو اس کی جنسی صلاحیت سے محروم کر دیا گیا۔ بتایا گیا ہے کہ ڈجکوٹ میں 20 سالہ نوجوان کی جانب سے تعلقات قائم کرنے سے بار بار انکار کیے جانے پر خاتون نے ساتھیوں کیساتھ مل کر اسے جنسی صلاحیت سے محروم کر دیا۔
پولیس حکام کے مطابق نعمت ٹاون ڈجکوٹ سے تعلق رکھنے والی جمیلہ بی بی نامی خاتون کافی عرصے سے متاثرہ نوجوان کے پیچھے پڑی تھی۔ تاہم نوجوان مسلسل خاتون سے تعلقات قائم کرنے سے انکار کرتا رہا۔ اس صورتحال میں خاتون نے غصے میں آ کر پہلے نوجوان کو اغوا کیا اور پھر اپنے ساتھی کیساتھ مل کر نوجوان کا حساس عضو تیز دھار آلے سے کاٹ ڈالا۔
بتایا گیا ہے کہ پولیس نے ملزمان کو تاحال گرفتار نہیں کیا۔اسی قسم کا ایک واقعہ میانوالی میں بھی پیش آیا، جہاں پہلی بیوی کے اہل خانہ کیساتھ جھگڑے پر غریب آباد سے تعلق رکھنے والے شخص کو جنسی صلاحیت سے محروم کر دیا گیا۔ پولیس نے واقعے کا مقدمہ درج کر لیا، جبکہ متاثرہ شخص اس وقت تحصیل ہیڈ کوارٹر ہسپتال کالا باغ میں زیر علاج ہے۔
