رحمان ملک "لائی ڈیٹیکٹر ٹیسٹ” کروا لیں سچ جھوٹ سب سامنے آ جائے گا۔ سینتھیارچی نے پیپلزپارٹی کے سینٹررحمان ملک کے بچنے کے سارے راستے بند کردیئے ، اطلاعات کے مطابق پاکستان میں امریکی خاتون صحافی سینتھیا رچی نے رحمن ملک کو چیلنج کیا ہے کہ وہ "لائی ڈیٹیکٹر ٹیسٹ” کروا لیں سچ جھوٹ سب سامنےآجائے گا
How accurate are lie detector tests in Pakistan?
Would Rehman Malik agree to take one? I certainly would be.
— Cynthia D. Ritchie, M. Ed (@CynthiaDRitchie) June 8, 2020
سینتھیا رچی نے کہا ہےہے کہ رحمن ملک جھوٹ بول رہے ہیں اوراب جھوٹ کے سہارے یہ ثابت کرنے کی کوشش کررہےہیں کہ وہ جنسی درندے نہیں ہیں
یاد رہے کہ کل رات ایک ٹی وی پروگرام میں امریکی خاتون نے سب کے سامنے برملا اس بات کا اظہارکیا تھا کہ!
رحمان ملک نے بہانے سے بلاکر نشہ آور مشروب پلایا اور زیادتی کا نشانہ بنایا:میرے سامنے توآئیں پتہ چلے گا سچا کون ہے ؟ سنتھیا،اطلاعات کے مطابق سابق وزیراعظم بینظیر بھٹو اور پیپلز پارٹی کے رہنماؤں کے خلاف ٹوئٹ اور الزامات لگانے والی امریکی خاتون سنتھیا رچی اپنے الزامات کی مزید تفصیلات سامنے لے آئیں۔
نجی ٹی وی کے پروگرام ‘نیاپاکستان’ میں گفتگو کرتے ہوئے سنتھیا رچی کا کہنا تھا کہ سابق وزیر داخلہ رحمان ملک نے ویزا کا مسئلہ حل کرانے کا کہہ کر ڈرائیور بھیج کر اپنے پاس بلایا، گلدستہ اور قیمتی تحفہ دینے کے بعد نشہ آور مشروب پلایا اور اس کے بعد زیادتی کا نشانہ بنایا۔
سنتھیا رچی نے الزام لگایا کہ سابق وزیراعظم یوسف رضا گیلانی نے ان سے نامناسب طریقے سے گلے ملنے کی کوشش کی جب کہ مخدوم شہاب الدین نے کندھے پر مساج کرنے کی کوشش کی۔ امریکی خاتون کا یہ بھی کہنا تھا کہ انہوں نے بینظیر کے بارے میں جو کچھ کہا ہے اس کی تفصیل پیپلزپارٹی کے ہی ایک سینئر رہنما نے ہی انہیں فراہم کی تھیں۔
خیال رہے کہ حال ہی میں امریکی شہری سنتھیا رچی نے سوشل میڈیا پر پیپلز پارٹی کی اعلیٰ قیادت کے خلاف الزامات کی بوچھاڑکی تھی۔انھوں نے سابق وزیر داخلہ رحمان ملک پر جنسی زیادتی جب کہ سابق وزیراعظم یوسف رضا گیلانی اور سابق وفاقی وزیر مخدوم شہاب الدین پر دست درازی کا الزام عائد کیا تھا۔
اس سے قبل سنتھیا رچی نے سابق وزیراعظم بینظیر بھٹو کے حوالے سے بھی متنازع اور نامناسب ٹوئٹ کی تھیں۔امریکی خاتون کے الزامات پر پیپلز پارٹی نے قانونی چارہ جوئی کے لیے عدالت سے رجوع کیا ہے جس پر سنتھیا کو 9 جون کو جسٹس آف پیس کے سامنے پیش ہونے کا حکم دیاگیا ہے۔
