منیش ملہوترا بالی وڈ کے مشہور فیشن ڈیزائنرز ہیں بڑی اور نامور ہیروئنز ان کے ملبوسات زیب تن کرتی ہیں، معروف ڈیزائنر ہونے کی وجہ سے منیش کے ساتھ تمام ہیروئنز کی دوستی ہے اور انہی کے گھر اکثر پارٹی کرتی ہوئی نظر آتی ہیں. حال ہی میں منیش ملہوترا کے گھر ایک پارٹی ہوئی جس میں ریکھا ، پرینیتی چوپڑا اور جھانوی کپور نے خصوصی شرکت کی ، اس پارٹی کے حوالے سے منیش ملہوترا نے انسٹاگرام پر دو تصاویر شیئر کرتے ہوئے کہا کہ کام کے طویل دن کے بعد گھر پر ایسی شامیں بہت آرام پہنچاتی ہیں اور دلچسپ بھی ہوتی ہیں خاص طور پر اس وقت جب ریکھا جی موجود ہوں۔
”اس پارٹی سے چند دن پہلے بھی منیش ملہوترا کے گھر ایک پارٹی تھی جس میں کرن جوہر، گوری خان، ملائیکہ اروڑا، کرشمہ کپور، رنویر سنگھ و دیگر نے شرکت کی اور خوب رنگ جمایا” . کہا جا رہا ہےکہ یہ پارٹی خصوصی طور پر راکی اور رانی کی پریم کہانی کی سکریننگ کے بعد رکھی گئی تھی .یاد رہے کہ ریکھا اور منیش کی آپس میں گہری دوستی ہے اور منیش ریکھا سے بہت متاثر نظر آتے ہیں. وہ اکثر جوڑے تیار کرکے ریکھا کو زیب تک کرنے کےلئے بھجواتے بھی رہتے ہیں.
