پاک امریکا تعلقات میں کس چیز سے مزید بہتری آسکتی ہے: گورنر سندھ نے بتا دیا

واشنگٹن: پاکستان اور امریکہ کے درمیان تعلقات کو مزید بہتر کرنے کے لیے گورنر سندھ عمران اسمعٰیل کوشاں ، واشنگٹن میں گفتگو کرتے ہوئے گورنر سندھ عمران اسماعیل نے کہا ہے کہ ٹریڈ ہی پاک امریکا تعلقات میں مزید بہتری لا سکتا ہے.

اطلاعات کے مطابق جب گورنر سندھ عمران اسماعیل یوایس اسٹیٹ ڈیپارٹمنٹ پہنچے، انھوں‌ نے کامرس، ٹریڈ، یو ایس ایڈ اور دیگر امورپراجلاس کی صدارت کی، پاکستان امریکا میں 60 بلین ڈالرکی ٹریڈ کو مزید بہتر بنانے پرتبادلہ خیال ہوا.

گورنر سندھ نے اجلاس سے خطاب کرتے ہوئے کہا کہ پاک امریکا ٹریڈ مستحکم کرنا ہماری ترجیح ہوگی، ٹریڈ دونوں ممالک میں تعلقات کو استحکام دیتا ہے.