سکھر:فون کا غیرمناسب استعمال ،رشتہ دارہی جان کا دشمن بن گیا ،اطلاعات کےمطابق شادی شدہ خاتون کا فون پر بات کرنا جرم بن گیا، شکی القلب رشتہ دار نے فائرنگ کرکے موت کے گھاٹ اتار دیا۔
سکھر سے پولیس کی طرف سے جاری کردی تفصیلات کے مطابق سندھ کے شہر سکھر میں یہ واقعہ پیش آیا جہاں شکی القلب رشتہ دار نے اپنے خاندان کی لڑکی کو ابدی نیند سلا دیا۔ جرم صرف اتنا تھا کہ وہ فون پر کسی سے بات کررہی تھی۔پولیس کا کہنا ہے کہ سکھر کے علاقے نیوگوٹھ میں قتل ہونے والی خاتون کی شناخت قمرالنسا کے نام سے ہوئی۔
پولیس حکام کے مطابق فائرنگ کرکے قتل کرنے والا ملزم فرار ہوگیا۔ البتہ پولیس نے تحقیقات کا آغاز کردیا ہے اور ملزم کی گرفتاری کے لیے چھاپے بھی مارے جارہے ہیں۔ انتظامیہ نے جلد گرفتاری کے امکانات ظاہر کیے ہیں۔
