اسلام آباد:ملک و قوم کیFATFاوردیگرمحاذوں پرقربانیاں:مذہبی شدت پسندی نے پانی پھیرکرستیاناس کردیا:دنیا نے نوٹس لے لیا،اطلاعات کے مطابق ملک و قوم کی ایف اے تی ایف اور دیگرمحاذوں پرقربانیوں کو مذہبی شدت پسندی نے تباہ کرکے رکھ دیا ہے ، اورادھر اس حوالے سے یہ بھی اطلاعات ہیں کہ دنیا نے پاکستان میں بے قابومذہبی رویوں پرپاکستان سے جواب طلب کرلیا ہے ،
اسی حوالے سے معلوم ہوا ہےکہ جہاں مغرب نے سخت فیصلے لینے کا فیصلہ کیا ہے وہان یورپی یونین نے پاکستان میں انسانی حقوق کی صورت حال پر تشویش کا اظہار کیا ہے۔
اس حوالے سے یورپی یونین کا اپنے ایک بیان میں کہنا تھا کہ پاکستان میں حالیہ مذہبی انتہاپسندی اور عدم برداشت پر تشویش ہے۔
یورپی یونین نے اپنے بیان میں پاکستان میں آزادی اظہار اور آزادی صحافت پر لگائی گئی پابندیوں پر بھی تشویش کا اظہار کیا اور کہا کہ جبری گمشدگیاں، تشدد اور انصاف کے حصول میں رکاوٹیں ناقابلِ قبول ہیں۔
یورپی یونین نے سوال اٹھایا کہ حکومت پاکستان نے نفرت پھیلانے والوں کے خلاف کیا اقدامات کیے؟پھر یہ بھی کہا جارہا ہے کہ اگرپاکسان میں مذہبی شدت پسندی رہی توپھرباہمی معاملات میں سردمہری آسکتی ہے جس کا واضح مطلب پاکستانی کی معاشی تباہی ہے اوراس معاشی تباہی کا مطلب اس قوم کی رسوائی ہے جس کا اندازہ بہت جلد ہوجائے گا
یاد رہے کہ تمام حکومتیں پاکستان میں معاشی استحکام کےلیے ملک وقوم کو مشکلات میں ڈال کربڑی بڑی قربانیاں دیتے آرہےہیں ، ایف اے ٹی ایف سے لے کراقوام متحدہ تک تمام بین الاقوامی اداروں نے سیالکوٹ واقعہ پرپاکستان سے کچھ جوابات مانگے ہیں
ذرائع کے مطابق ان جوابات سے یہ صاف ظاہر ہورہا ہے کہ ان کے رویوں میں سختی آگئی ہے اور وہ اب پاکستان کے ساتھ کوئی اچھے انداز سے پیش آنے والے نہیں ہیں
ادھر یہ بھی معلوم ہوا ہےکہ پاکستان مسلسل کئی برسوں سے پہلے ہی مذہبی شدت پسندی کی وجہ سے عالمی برادری کی طرف سے سخت ہزیمت اٹھا رہا ہے اور یہ وجہ ہے کہ ایف اے ٹی ایف ، آئی ایم ایف ، ورلڈ بینک سمیت تمام عالمی معاشی اداروں کے ساتھ جو وعدے کیے گئے تھے مذہبی شدت پسندی نے پاکستان کو ان وعدوں میں قصور وار ٹھہرا دیا ہے
اس دوران پاکستان نے جو سخت فیصلے کیے تھے آج سیالکوٹ کے واقعہ نے ان فیصلوں کے نتیجے میں برداشت کرنے والی تکالیف اورپھر مشکلات اور تکالیف اٹھانے کے بدلنے میں ملنے والے سارے ثمرات ضائع کردیے ہیں اور پاکستان اس واقعہ سے کئی برس پھر پیچھے چلا گیا ہے ، جس کے ذمہ داریہ مذہبی شدت پسند ہیں
Leave a reply
