کرک:یاد رکھ لیں : ‘2023 میں عمران خان دوبارہ وزیر اعظم ہوں گے:ان شاءاللہ :بڑی شخصیت کا بڑا دعویٰ،اطلاعات کے مطابق وزیراعلیٰ خیبر پختوںخواہ محمودخان کا کہنا ہے کہ الیکشن2023میں عوامی اعتماد کیساتھ دوبارہ مضبوط حکومت قائم کریں گے اور 2023 میں عمران خان دوبارہ وزیر اعظم ہوں گے۔
تفصیلات کے مطابق وزیراعلیٰ خیبر پختوںخواہ محمودخان نے جلسے سے خطاب کرتے ہوئے کہا ہے کہ الیکشن2023میں عوامی اعتماد کیساتھ دوبارہ مضبوط حکومت قائم کریں گے۔
محمود خان نے اس موقع پر کہا کہ یہ تو مولانافضل الرحمن کو بھی نظرآرہا ہے کہ عمران خان اگلے پانچ سال کے لیے وزیراعظم منتخب ہوجائیں گے اسی لیے وہ عوام کو عمران خان سے دور کرنے کی ناکام کوشش کررہے ہیں
محمودخان کا کہنا تھا کہ ماضی میں گیس رائلٹی کے پیسے لوگوں کے جیبوں میں گئے، کوہاٹ ڈویژن ڈویلپمنٹ پروگرام کے تحت اربوں روپےخرچ کئے جائیں گے، صوبے میں 4نئے عالمی معیار کے اسپتال بنائیں گے۔
وزیراعلیٰ خیبر پختوںخواہ نے منصوبوں کے حوالے سے کہا نکہ 260ارب سےپشاورڈی آئی خان موٹروے تعمیرکی جائے گی اور گیس انفراسٹرکچر کی بحالی کیلئے 2ارب روپے دیے جائیں گے جبکہ 31 جنوری سے تمام جنوبی اضلاع میں صحت پلس کارڈ کار آمدہوگی۔
ان کا کہنا تھا کہ آئل ریفائنری پر جلد کام شروع کیا جائے گا اور جولائی سے آئمہ مساجد کو دس ہزار دیے جائیں گے جبکہ 2023 میں عمران خان دوبارہ وزیر اعظم ہوں گے۔
انہوں نے کہا کہ عمران خان مساجد اورمدارس میں رونقیں دیکھنا چاہتے ہیں ان کی یہ شدید خواہش ہے کہ اسلام کے یہ مراکزمعاشرے کو اسلامی بنانے کے لیے اپنا بھرپورکردار ادا کریں
