راولپنڈی: ن سےش نکل کررہےگی،کچھ شرم ہونی چاہیے،قوم کےسامنے جھوٹ بولنےسےبازنہیں آرہے،یاد رکھیں آرمی چیف سےملاقات اعزازکی بات ہے، اطلاعات کے مطابق وفاقی وزیر ریلوے اورعوامی مسلم لیگ کے سربراہ شیخ رشید احمد نے کہا ہے کہ چیف آف آرمی اسٹاف سے ملاقات اعزازکی بات ہے، مسلم لیگ ن سے ش نکل کر رہے گی۔
نجی ٹی وی سے خصوصی گفتگو کرتے ہوئے شیخ رشید احمد کا کہنا تھا کہ ’مولانا فضل الرحمان سے لے کر بلاول تک تمام سیاسی قائدین کو چیلنج کرتا ہوں کہ ایسے شخص کا نام بتائیں جو ملاقاتیں نہیں کرتا‘۔
وفاقی وزیر ریلوے نے اپوزیشن کی دونوں بڑی جماعتوں کو خبردار کرتے ہوئے کہا کہ ’میرے سے متعلق زیادہ باتیں کرنے سے گریز کریں ورنہ بیچ چوراہے پر ہنڈیا پھوڑ دوں گا اور پھر سب کو دیگر ملاقاتوں کا احوال بھی معلوم ہوجائے گا‘۔
اُن کا کہنا تھا کہ ’پاکستان کے آرمی چیف سے ملنے میں برائی اور غلط بات کیا ہے؟ میں نے کون سی غلط بات کی تھی جو طوفان کھڑا کردیا گیا، انہیں شرم نہیں آتی کیمرے کے سامنے کچھ اور پیچھے کچھ اور ہوتے ہیں‘۔
شیخ رشید کا مزید کہنا تھا کہ ’ملاقات کی ایک بات کا بتنگڑ بنا دیا گیا، آرمی چیف سے ملاقات اعزاز کی بات ہے، اگر میرے سے متعلق باتوں کا سلسلہ بند نہ کیا گیا تو مجبوری میں وہ ساری باتیں بتاؤں گا جنہیں سُن کر سب حیران رہ جائیں گے‘۔اُن کا مزید کہنا تھا کہ ’ن سےش نکل کررہےگی، یہ بس4دن کی کہانی ہے‘۔
