لاہور کچرا کنڈی میں تبدیل ہونے کےخلاف پنجاب اسمبلی میں قرارداد جمع،قرارداد مسلم لیگ(ن) کی رکن حناپرویز بٹ کی جانب سے جمع کرائی گئی
قرارداد کا متن یہ ہے کہ پنجاب اسمبلی کا ایوان لاہور کو کچرا کنڈی میں تبدیل کرنے پر شدید غصے کا اظہار کرتا ہے،لاہور کے اہم ترین علاقوں میں جگہ جگہ کچرے کے ڈھیرلگے ہیں،کچرے کے ڈبے کئی روز سے فل ہونے کے باوجود اٹھائے نہیں جا سکے:ل،
کئی روز سے پڑے کچرے کے ڈبوں سے تعفن کی بدبو پھیل رہی ہے،کچرے کے تعفن سے علاقہ مکینوں کو شدید ذہنی کرب کا سامنا کرنا پڑرہا ہے،لارنس روڈ،تاجپورہ،گڑھی شاہو،بادامی باغ،ہربنس پورہ،داروغہ والا سمیت کئی علاقوں میں کچرے کے ڈھیر لگے ہیں،لاہور ویسٹ مینجمنٹ اور ضلعی انتظامیہ خواب خرگوش کے مزے لے رہی ہے،
لاہور شہر کو فوری کچرے سے پاک کیا جائے:قرارداد میں مطالبہ کیا گیا
