اندرون ملک پروازوں میں "کھانا پینا”بدستوربند:پابندی میں توسیع

کراچی:اندرون ملک پروازوں میں "کھانا پینا”بدستوربند:پابندی میں توسیع،اطلاعات کے مطابق سول ایوی ایشن اتھارٹی نے کوروناوائرس کے پیش نظر اندرون ملک پروازوں میں کھانا فراہم کرنے پر پابندی میں توسیع کردی۔

تفصیلات کے مطابق سول ایوی ایشن اتھارٹی کی جانب سے جاری مراسلہ میں کہا گیا ہے کہ پابندی کورونا وائرس کے بڑھتے کیسز کے پیش نظر عائد کی گئی ہے، اندرون ملک ہوائی سفر کے لیے لازمی ویکسینیشن پالیسی لاگو رہے گی۔

مراسلہ کے مطابق پہلے سے نافذ تمام فضائی سفری پالیسیاں لاگو رہیں گی۔

سی اے اے کا کہنا ہے کہ تمام متعلقہ اسٹیک ہولڈرز کورونا ایس او پیز پر عمل درآمد کے مجاز ہوں گے، ایئرلائنز کو 21 جولائی سے پیک شدہ کھانا دینے کی اجازت دی گئی تھی۔

تمام ائیرلائن آپریٹرز کو نئے اصول پر سختی سے عمل درآمد یقینی بنانے کی ہدایت کردی گئی۔ہدایت نامے میں کہا گیا ہے کہ اندرون ملک پروازوں پرمسافروں کواب منرل واٹر کی ہاف لیٹر بوتلیں فراہم نہیں کی جائیں گی، پانی طلب کرنے پر عملہ مسافروں کوگلاس میں پانی فراہم کرے گا۔

ہدایت نامے میں کہا گیا ہے کہ بوتلیں سیٹوں کیساتھ مخصوص جگہ پر ڈیزائن کردہ ایس پی ڈی سی میں رکھی جائیں، ٹرانزٹ اسٹیشنز پر کیٹرنگ عدم دستیابی پر کیبن کریو پانی فراہم کرے گا۔

خیال رہے ایئرلائنز کو 21 جولائی سے پیک شدہ کھانا دینے کی اجازت دی گئی تھی۔