حج: عازمین حج کے علاج معالجہ کے لیے جدیدترین سہولیات ، پہلی بار ڈاکٹروں کا ساتھی کون ہو گا، آپ بھی حیران ہو جائیں گے

سعودی اخبار عکاظ نے سعودی وزارت صحت کے حوالے سے بتایا ہے کہ سعودی ڈاکٹروں کو منیٰ، مزدلفہ اور عرفات میں سمارٹ روبوٹ استعمال کرنے کی ٹریننگ دی گئی ہے۔ریاض اور جدہ کے ڈاکٹر بھی اس ٹیکنالوجی کی مدد سے حجاج کرام کا طبی معائنہ کر سکیں گے۔

اخبار کے مطابق ڈاکٹرز حاجیوں کے پیچیدہ امراض سے متعلق روبوٹ کی مدد سے مشاورت کر سکیں گے۔اسی طرح ڈاکٹرز کسی بھی سعودی سپیشلسٹ ڈاکٹروں سے طبی مشورہ حاصل کر سکیں گے۔بیرون مملکت ڈاکٹر زمنیٰ ہسپتال میں موجود مریض کاطبی معائنہ کر سکیں گے۔

روبوٹ متعدد سہولتوں سے لیس ہے۔ سٹیتھوسکوپ اور روبو ڈاکٹر کیمروں سے بھی لیس ہے۔ روبوٹ کان اور آنکھ کا معائنہ کر سکتا ہے۔ اس میں جلد کے معائنے کے لیے خصوصی کیمرہ لگا ہوا ہے۔ بیماری کی تشخیص کے لیے ڈاکٹروں کو جو آلات درکار ہوتے ہیں وہ سب اس میں موجود ہیں۔