روس، چین اور پاکستان نے مشرق وسطیٰ میں بڑھتی ہوئی کشیدگی کے پیشِ نظر اقوام متحدہ کی سلامتی کونسل میں فوری اور غیر مشروط جنگ بندی کے مطالبے پر مبنی قرارداد کا مسودہ پیش کر دیا ہے۔
عالمی خبر رساں ادارے رائٹرز کے مطابق یہ اقدام سلامتی کونسل کے ہنگامی اجلاس سے قبل کیا گیا ہے، تاہم فی الحال واضح نہیں کہ اس مسودے پر ووٹنگ کب ہوگی۔ذرائع کا کہنا ہے کہ تینوں ممالک نے مسودہ سلامتی کونسل کے دیگر ارکان میں تقسیم کر دیا ہے اور پیر کی شام تک ان سے تجاویز و تبصرے طلب کیے گئے ہیں۔
یاد رہے کہ سلامتی کونسل میں کسی قرارداد کی منظوری کے لیے کم از کم 9 ووٹ درکار ہوتے ہیں، بشرطیکہ مستقل رکن ممالک یعنی امریکا، برطانیہ، فرانس، روس یا چین میں سے کوئی بھی ویٹو کا استعمال نہ کرے. واضح رہے کہ یہ پیشرفت ایران کی درخواست پر اقوام متحدہ کی سلامتی کونسل کا اجلاس طلب کیے جانے کے بعد سامنے آئی ہے، جو امریکی حملوں کے ردعمل میں بلایا گیا ہے۔
برٹش ایئرویز کا قطر اور یو اے ای کے لیے پروازیں معطل کرنے کا فیصلہ
تہران میں امریکی و اسرائیلی حملوں کے خلاف احتجاج، صدر مسعود پزشکیان کی شرکت
فردو جوہری مرکز، زیرزمین نقصان کا اندازہ ممکن نہیں: آئی اے ای اے
ملیر جیل سے فرار ہونے والے 225 قیدیوں میں سے 48 اب بھی مفرور
خواجہ آصف کا امریکی پالیسی پر تضاد کا اعتراف، ٹرمپ کی حمایت پر وضاحت
