جنگ کے بعد روسی،یوکرینی وزراء خارجہ کی کل ہو گی ملاقات

جنگ کے بعد روسی،یوکرینی وزراء خارجہ کی کل ہو گی ملاقات
روسی اور یوکرینی وزرائے خارجہ کی ترکی میں ملاقات کل ہو گی،روسی وزارت خارجہ نے تصدیق کی ہے

روسی وزیر خارجہ سرگئی لارؤف کی یوکرینی ہم منصب دیمترو کلیبا سے حملے کے بعد پہلی ملاقات ہو گی روسی وزیر خارجہ سرگئی لارؤف انتالیہ میں بین الاقوامی سفارتی فورم میں شریک ہوں گے

دوسری جانب ترجمان چینی وزارت خارجہ کا کہنا ہے کہ نیٹو نے روس یوکرین کشیدگی کو بریکنگ پوائنٹ پر دھکیلا،امریکہ چین کے خدشات کو سنجیدگی سے لے، چین یوکرین کو 5 ملین یون مالیت کی انسانی امداد فراہم کرے گا،

روس کے یوکرین پر پرحملے جاری ہیں روس نے کریمیا کے راستے مزید ٹینک اور جنگی سازوسامان یوکرین پہنچا دیا بڑے شہروں سے لوگوں کا انخلا بھی جاری ہے امریکا نے روسی تیل اورگیس کی درآمد پر پابندی لگا دی، 130ڈالر فی بیرل پر پہنچی تیل کی قیمتوں میں مزید اضافے کا خدشہ ہے

روس نے کریمیا سے مزید ٹینک اورفوجی سازوسامان یوکرین پہنچا دیا، فضائی حملوں میں گھر ملبے کا ڈھیر بن گئے، کیف، خرکیف، سومی، ماریو پول سمیت دیگر شہروں کا محاصرہ جاری ہے، امریکا نے روس پر لانگ رینج میزائل حملوں کا بھی الزام عائد کردیا دوسری جانب یوکرین کے صدر زیلنسکی کے موقف میں کسی حد تک لچک آئی ہے اور وہ نیٹو کی رکنیت پر اصرار کے مطالبے سے دست بردار ہوگئے ہیں

خبر رساں ادارے اے ایف پی نے اقوام متحدہ کے حوالے سے بتایا ہے کہ 20 لاکھ سے زائد افراد یوکرین کی جنگ سے بچ کر پناہ گزینوں کے طور پر فرار ہو چکے ہیں

یوکرین کے آرمی چیف نے دعویٰ کیا ہے کہ حملے کے بعد سے اب تک روس کے کم از کم 12,000 فوجی اہلکار مارے جا چکے ہیں آرمی چیف نے اپنے آفیشل فیس بک پیج پر کہا کہ یوکرین نے روس کے 303 ٹینک، 120 آرٹلری سسٹم، 27 اینٹی ایئر کرافٹ وارفیئر سسٹم، 48 طیارے، 80 ہیلی کاپٹر اور 474 گاڑیاں تباہ کر دی ہیں فوج نے دعویٰ کیا کہ روسی فوج کی پیش قدمی سست پڑ گئی ہے اور فوجیوں کے حوصلے پست ہو گئے ہیں

روس نے 24 فروری کو پڑوسی ملک یوکرین پر حملہ کیا تھا۔ دونوں ملکوں کے درمیان جنگ تاحال جاری ہے اور اس کے ساتھ ساتھ مذاکرات بھی ہو رہے ہیں مغربی ممالک نے اس حملے کے جواب میں روس پر انتہائی سخت معاشی پابندیاں عائد کی ہیں

امریکہ اور برطانیہ سمیت 28 ممالک کا یوکرین کو فوجی سازوسامان کی فراہمی پر اتفاق

یوکرینی جوڑے نے روسی حملے کے دوران کی شادی،پھر اٹھائے ملک کیلیے ہتھیار

روسی حملے کے بعد کیف میں بچے نے باتھ روم میں پناہ لے لی

یوکرین اورروس کے درمیان امن مذاکرات شروع،یوکرینی صدر نے بڑا مطالبہ کر دیا

روس کے یوکرین پر حملوں میں شدت،یوکرینی فوج کا یونٹ تباہ

یوکرین میں بھارتی طلبا کے ساتھ بدسلوکی،ویڈیو وائرل،مودی پر اپوزیشن کی تنقید

روسی حملے کے بعد یورپ کے سب سے بڑے نیو کلیئر پاور پلانٹ میں آگ لگ گئی

یوکرین سے زندہ لوگوں کو لانا مشکل،لاش تو ویسے بھی جہاز میں زیادہ جگہ گھیرتی ہے،رکن اسمبلی کا بیان

روس یوکرین جنگ نے تیل مزید مہنگا کر دیا