رواں سال حج مہنگا نہیں مہنگا ترین ہونے کا امکان

وزارت مذہبی امور نے رواں سال حجاج کیلئے خصوصی رعایتی سفارشات تیار کرلی ہیں۔

وزارت مذہبی امور میں آج بروز جمعہ 24 فروری کو حج پالیسی سے متعلق اہم اجلاس ہوا۔ ذرائع کا کہنا ہے کہ وزارت مذہبی امور کی جانب سے رواں سال 2023 کیلئے ڈالرز میں ادائیگی کرنے والوں کو فوقیت دینے کا فیصلہ کیا ہے۔وزارت مذہبی امور نے رواں سال حجاج کیلئے خصوصی رعایتی سفارشات تیار کرلی ہیں.

آج ہونے والے اجلاس میں حج اخراجات کو 13 لاکھ روپے تک بڑھانے کی بھی سفارشات پیش کی گئیں، جس کے بعد رواں سال حج مہنگا نہیں بلکہ مہنگا ترین ہونے کا امکان ہے۔ ذرائع کا کہنا ہے کہ سرکاری حج اسکیم کا 25 فیصد کوٹہ ڈالرز جمع کروانے والوں کیلئے مختص کیا گیا ہے۔ مجوزہ حج پالیسی 2023 کے اہم نکات سما نے حاصل کرلیے ہیں۔

ذرائع کے مطابق حج فیس روپوں میں جمع کروانے والے خواہش مند افراد قرعہ اندازی میں شامل ہونگے۔ ڈالرز کی کمی کے باعث 50 فیصد حج کوٹہ پرائیویٹ آپریٹرز کو دینے کی تجویز بھی زیر غور ہے۔وزیر برائے مذہبی امور کا کہنا ہے کہ ڈالر کی قدر بڑھنے پر سرکاری حج کی 13لاکھ کی تجویز دی گئی ہے۔
مزید یہ بھی پڑھیں؛

ہم کون سی صدی میں رہتے ہیں جہاں طاقتوروں نے نجی جیل بنائے ہوئے؟ شیری رحمان

بچوں کو سکول چھوڑنے والی سرکاری گاڑی بارکھان سیکنڈل کے مرکزی ملزم کے بیٹے کی ملکیت

نجی ٹی وی سے گفتگو میں مولانا عبدالشکور نے بتایا کہ اطلاعات ہیں کہ سعودی حکومت حج پر ٹیکس میں 18 سے 20 فیصد اضافہ کر رہی ہے، تاہم ابھی کسی پالیسی کو حتمی نہیں کیا گیا۔ حتمی فیصلہ اور حج پالیسی کی منظوری وفاقی کابینہ دے گی۔ سیکریٹری مذہبی امور نے بتایا کہ وزارت خزانہ نے حج کیلئے 2 ارب ڈالرز کے انتظام سے معذرت کی ہے۔