راولپنڈی؛ اراضی تنازع پر فائرنگ سے دو خواتین کی ہلاکت پر آئی جی پنجاب نے نوٹس لے لیا

گوجر خان راولپنڈی میں اراضی تنازع پر فائرنگ سے دو خواتین کی ہلاکت پر آئی پنجاب نے نوٹس لے لیا ہے

راولپنڈی میں کھیتوں میں کام کرنے میں مصروف دو خواتین کو فائرنگ کر کے قتل کردیا گیا، پولیس نے فرانزک شواہد اکھٹے کرکے تحقیقات شروع کردیں۔ راولپنڈی کے علاقے اراضی اعوان کی رہائشی مسماتہ 30 سالہ سعدیہ اور 25 سالہ عصمت شاہین کھیتوں میں کام کرنے میں مصروف تھیں کہ نصیر، ادریس، صغریٰ اور ایک نامعلوم ملزم مسلح حالت میں وہاں پہنچے اور فائرنگ کرکے دونوں کو قتل کرتے ہوئے فرار ہوگئے۔

اطلاع ملتے ہی پولیس اور ریسکیو 1122 کا عملہ موقع پہنچا اور نعشوں کو تحویل میں لیکر فرانزک شواہد اکھٹے کرتے ہوئے مقتولین کو پوسٹمارٹم کے لیے اسپتال منتقل کردیا۔ سی پی او راولپنڈی شہزاد ندیم بخاری نے واقعہ کا نوٹس لیکر ایس پی صدر سے رپورٹ طلب کی، ایس پی صدر زنیر احمد چیمہ خود بھی جائے وقوعہ پر پہنچے اور تفتیشی عمل کا جائزہ لیا۔
مزید یہ بھی پڑھیں؛ مفتاح اسماعیل کو پبلک میں بات نہیں کرنی چاہئے تھی۔ وزیر خزانہ اسحاق ڈار
امیتابھ بچن 80 ویں سالگرہ آج منائیں گے
نوبل انعام یافتہ ملالہ یوسف زئی پاکستان پہنچ گئیں
کوئٹہ: سریاب روڈ پرنامعلوم افراد نے پی ٹی سی ایل کے دفترپردستی بم پھینک دیا
پولیس ترجمان کا کہنا تھا کہ،ابتدائی اطلاعات کے مطابق ملزمان نے سابقہ دشمنی کی وجہ فائرنگ کر کے خواتین کو قتل کیا ملزمان کی گرفتاری کے لئے ٹیمیں تشکیل دی گئی ہیں اور ٹیموں کے ذریعے شواہد اکٹھے کر کے تمام زاویوں پر تحقیقات کی جارہی ہے،ملوث ملزمان کو گرفتار کر کے قانون کے کٹہرے میں کھڑا کیا جائے گا۔ آئی جی پنجاب فیصل شاہکار کا کہنا ہے کہ سپروائزری افسران مقتولین کی فیملیز کے ساتھ قریبی رابطہ رکھیں، انصاف کی فراہمی ترجیحی بنیادوں پر یقینی بنائی جائے۔

دوسری جانب آئی جی پنجاب فیصل شاہکار نے گوجر خان راولپنڈی میں اراضی تنازع پر فائرنگ سے دو خواتین کی ہلاکت پر واقعہ کا نوٹس لے لیا ہے اور آر پی او راولپنڈی سے رپورٹ طلب کر لی ہے. جبکہ سی پی او راولپنڈی کو ملزمان کی گرفتاری کیلئے سپیشل ٹیمیں تشکیل دینے کی ہدایت بھی کی گئی ہے. آئی جی پنجاب نے کہا کہ ملزمان کو جلد از جلد گرفتار کرکے قانون کے کٹہرے میں پیش کیا جائے. جبکہ سپروائزری افسران مقتولین کی فیملیز کے ساتھ قریبی رابطہ رکھیں اور انصاف کی فراہمی ترجیحی بنیادوں پر یقینی بنائی جائے ۔
حیدرآباد: نشے میں دھت پولیس موبائل ڈرائیور نے گاڑی ٹھیلے پر چڑھا دی، برگر فروش جاں بحق، 2 افراد زخمی