سال 22ء کے دوران 102 ملین شجرکاری،35 ملین پودے تقسیم کئے گئے، محکمہ جنگلات

سال 22ء کے دوران 102 ملین شجرکاری، 35 ملین پودے تقسیم کئے گئے۔ محکمہ جنگلات

محکمہ جنگلات نے سال 2022 کی کارکردگی رپورٹ جاری کر دی۔ رپورٹ کے مطابق جنوری سے دسمبر تک پنجاب بھر میں 102 ملین شجرکاری کی گئی۔ سب سے زیادہ شجرکاری بہاولپور میں 2 ملین ہوئی۔ دوسری جانب ٹین بلین ٹری سونامی پروگرام کے تحت ہونے والی شجرکاری کے مجموعی اعداد و شمار 31 کروڑ ہو چکے ہیں۔

محکمہ جنگلات کی کارکردگی رپورٹ کے مطابق رواں سال پنجاب بھر میں 2614 آگاہی پروگرامات منعقد کئے گئے جبکہ شجرکاری کی ترغیب دینے سے متعلق دیگر آگاہی سرگرمیوں کی تعداد 3159 رہی۔ محکمہ جنگلات نے سال 2022ء میں 34 ملین ہدف کے مقابلے میں 35 ملین پودے لوگوں میں مفت تقسیم کئے جبکہ اس سال 23 نئی سرکاری نرسریوں کا بھی اضافہ ہوا جس سے پنجاب بھر میں نرسریوں کی مجموعی تعداد 460 ہوگئی۔ ترجمان محکمہ جنگلات کے مطابق رواں سال نرسریوں میں مختلف اقسام کے 58 ملین پودے تیار کئے گئے جبکہ محکمہ جنگلات کی 556 ایکڑ سے زائد قبضہ شدہ زمین واگزار کروائی گئی۔ اسی طرح درخت کاٹنے کے واقعات کے خلاف محکمہ جنگلات کی مدعیت میں 228 ایف آئی آر درج ہوئیں اور ہزاروں من لکڑیاں برآمد کی گئیں۔

محکمہ جنگلات سے موصولہ تفصیلات کے مطابق رواں برس 803 ملین کی لاگت سے 3 ترقیاتی سکیمیں مکمل کی گئیں جن میں بھکر فاریسٹ پارک، فاریسٹ اکیڈمی اور فاریسٹ کمپلیکس کی توسیع و تزئین و آرائش شامل پے۔ دوسری جانب جانوروں کی بریڈنگ کے نتیجے میں سفاری زو میں 381 اور چڑیا گھر میں 287 جانوروں اور پرندوں کا اضافہ ہوا۔

پشاور: خیبر پختونخوا میں جنگلات کو جان بوجھ کر آگ لگائے جانے کا انکشاف ہوا ہے-

آزاد کشمیرکے علاقے میرپورمیں نامعلوم افراد نے جنگلات میں آگ لگادی

آگ پر قابو پانے کی کوشش جاری،چلغوزے کے جنگلات کو نقصان پہنچا ہے،وزیراعلیٰ

پاکستانی جنگلات میں لگی آگ پر قابو پانے کیلئے ایران کا اسپیشل فائرفائٹنگ ٹینکر طیارہ بھیجنے کا فیصلہ

وزیر جنگلات سید عباس علی شاہ اور سیکرٹری جنگلات شاہد زمان نے کارکردگی رپورٹ پر اطمینان کا اظہار کرتے ہوئے کہا ہے کہ سال 22ء کے دوران فاریسٹ پالیسی کو مدنظر رکھتے ہوئے مجموعی کارکردگی میں بہتری جبکہ شجرکاری اور جانوروں کے تحفظ بارے شعور و آگاہی پیدا کرنے کیلئے خصوصی اقدامات بروئے کار لائے گئے۔ انہوں نے 2023ء میں اسی ویژن کو جاری رکھنے کے عزم کا اظہار کرتے ہوئے کہا کہ نئے سال میں شجرکاری اہداف کی تکمیل، جانوروں کی بریڈنگ بڑھانے اور وائلڈ لائف کی بقا اور تحفظ کیلئے چڑیا گھروں اور سفاری پارکوں کی ری ماڈلنگ پر خصوصی توجہ دی جائے گی۔ وزیر جنگلات اور سیکرٹری جنگلات نے محکمہ کے افسران کی سال 2022ء میں کارکردگی کو بھی سراہا ہے۔