سابق مشیر پیٹرولیم ڈاکٹر عاصم حسین کی اہلیہ ڈاکٹر زرین حسین انتقال کرگئیں

سابق وفاقی مشیر برائے پیٹرولیم اور پاکستان پیپلز پارٹی کے رہنما ڈاکٹر عاصم حسین کی اہلیہ ڈاکٹر زرین حسین طویل علالت کے بعد کراچی میں انتقال کرگئیں۔نماز جنازہ آج بروز اتوار کو بعد نماز عصر ادا کی جائے گی۔مرحومہ کی عمر 66 برس تھی۔ڈاکٹر زرین طویل عرصے سے کینسر کے مرص میں مبتلا تھیں۔
ڈاکٹر زرین حسین 15 مارچ 1979 کو ڈاکٹر عاصم حسین کے ساتھ رشتہ ازدواج میں منسلک ہوئی تھیں۔ڈاکٹر زرین حسین کا جسد خاکی آج بروز اتوا ر کی شام 4 بجے ان کی رہائش گاہ F-120بلاک نارتھ ناظم آباد سے اٹھایا جائے گا جبکہ نماز جنازہ بعد نماز عصر لنک روڈ سپر ہائی وے پر واقع ضیاء الدین یونیورسٹی کیمپس کی مسجد میں ادا کی جائے گی اور تدفین بھی مسجد سے احاطے میں کی جانے گی جہاں ڈاکٹر عاصم کی والدہ بھی مدفون ہیں۔