ریڈیو ہے تو میں ہوں ساحر لودھی

ساحر لودھی جو گانا بھی گاتے ہیں، ایکٹنگ بھی کرتے ہیں ، ہوسٹنگ بھی کرتے ہیں اور ریڈیو بھی کرتے ہیں، ساحر لودھی کم مگر معیاری کام کرنے کو ترجیح دیتے ہیں، انہوں نے حال ہی میں ایک ٹی وی شو میں شرکت کی اور اس میں ان سے سوال ہوا کہ آپ ایکٹنگ ہوسٹنگ میں وقفہ ضرور لیتے ہیں‌ لیکن ریڈیو پر کام کرنے کا وقفہ نہیں لیتے. اس کی کیا وجہ ہے، اس کا جواب دیتے ہوئے ساحر لودھی نے کہا کہ ریڈیو میری جان ہے میری روح ہے، اگر ریڈیو نہیں ہو گا تو میں بھی نہیں ہوں گا.ریڈیو پر میں جو دو گھنٹے گزارتا ہوں وہ میرے ہوتے ہیں، صرف میرے ، اس میں‌

کسی کا کوئی دخل نہیں ہوتا ، جو دل میں آتا ہے بات کرتا ہوں لوگ سنتے ہیں سراہتے ہیں. انہوں نے کہا کہ میں نے بولنے کےلئے کبھی سکرپٹ کا استعمال نہیں کیا بلکہ جو دل میں‌آئے بول دیتا ہوں اور یہ اللہ کی دین ہے. انہوں نے کہا کہ میں نے کبھی یہ نہیں سوچا کہ میں کیسا نظر آتا ہوں، میں نے کیسے کپڑے پہنے ہیں ، کیسا بولا ہے بس جو بول دیا سو بول دیا. لہذا ریڈیو میری زندگی کے ساتھ ساتھ چل رہا ہے اور چلتا رہے گا.