ساہیوال(باغی ٹی وی رپورٹ) ساہیوال کے ایک سرکاری ہائی اسکول میں ایک طالب علم پر اس کے استاد نے بے رحمی سے تشدد کیا ہے۔ اس واقعے کے بعد طالب علم کے والد نے پولیس میں شکایت درج کرائی ہے۔
تفصیل کے مطابق ساہیوال چک نمبر 62/4R کے رہائشی غلام رسول نے ساہیوال کے تھانہ نورشاہ میں درخواست گذاری کہ وہ غریب آدمی ہے۔اس کابیٹا محمد فیصل جس کی عمر قریب 9 سال، گورنمنٹ ہائی سکول 75/5R میں جماعت سوم کا طالب علم ہے۔اس سکول تعینات استادشعیب ولد یوسف جٹ میرے بیٹے کو پڑھاتا ہے ۔
درخواست گذار غلام رسول نے درخواست نے مؤقف اختیارکیا کہ مذکورہ استاد نے مورخہ 2024-10-23 کو دوران ڈیوٹی بچے کو انتہائی بے رحمی سے اس قدر مارا کہ سوٹوں اور جوتوں کے نشانات بچے کی کمر پر واضع دیکھے جاسکتے ہیں ،اس استاد نے گورنمنٹ قوانین کی خلاف ورزی کرتے ہوئے سائل کے بیٹے کو نہایت وحشیانہ طریقے سے مارا۔ جس سے میرےبیٹے کی طبیعت ناساز ہوگئی تو اس نےمیرے بیٹے کو سنگین دھمکیاں دیں کہ اگر تو نے اپنے والدین کو بتایا تو میں تمہیں بہت ماروں گا۔اس لکھا کہ انہیں اساتذہ کی وجہ سے مجھ جیسے غریب لوگوں کے بچے تعلیم کی نعمت سے محروم ہیں۔
درخواست پر پولیس نے اس واقعے کا نوٹس لیتے ہوئے فوری طور پر کارروائی شروع کردی ہے۔ پولیس نے شکایت درج کرکے تحقیقات شروع کردی ہیں۔
اس واقعے نے علاقے میں کافی غم و غصہ پیدا کیا ہے۔ عوامی و سماجی حلقوں نے اس واقعے کی شدید مذمت کی ہے اور مطالبہ کیا ہے کہ ملزم استاد کے خلاف سخت سے سخت کارروائی کی جائے۔ اس واقعے نے تعلیمی اداروں میں طلباء کے ساتھ ہونے والے تشدد کے مسئلے پر ایک بار پھر توجہ مرکوز کی ہے۔
