باغی ٹی وی کی رپورٹ کے مطابق پنجاب کے ضلع ساہیوال کے تھانہ غلہ منڈی کی حدود میں پولیس مقابلہ میں 2 ڈاکو ہلاک ہو گئے ہیں جبکہ ایک فرار ہو گیا ہے
ترجمان پولیس کے مطابق تین ڈاکو فتو موڑ کے قریب جی ٹی روڈ پر واردات کررہے تھے .اطلاع ملنے پر موٹروے پولیس موقعہ پر پہنچی تو ڈاکو فرار ہوگئے،موٹروے پولیس نے غلہ منڈی پولیس کو اطلاع دی
غلہ منڈی پولیس نے ڈاکووں کا تعاقب کیا تو 133نائن ایل کے قریب ڈاکووں نے پولیس پر فائرنگ کردی ،اپنے ساتھی کی فائرنگ سے 2 ڈاکو موقعہ پر ہلاک ہو گئے جبکہ ایک ڈاکو فرار ہوگیا
ترجمان پولیس کے مطابق فرار ہونے والے ڈاکو کی گرفتاری کے لئے ضلع بھر کی ناکہ بندی کردی گئی ہے
ساہیوال پولیس کی کاروائی، چار قتل کر کے عوام میں خوف و ہراس پھیلانے والے ملزمان گرفتار
