سینئر اداکارہ صائمہ نور نے اپنے حالیہ انٹرویو میںکہا ہے کہ اگر میرے کیرئیر پر نظر ڈالی جائے تو صرف معیاری کام ہی نظر آئیگا ، میں نے کبھی پیسے کی لالچ نہیںکی ، معیاری کام ملا تو کیا. انہوں نے کہا کہ فلم انڈسٹری خصوصی طور پر پنجابی فلموں کو فروغ دینے کی ضرورت ہے ، اس میں ضروری نہیں ہے کہ ایک ہی انسان پیسہ لگاتا رہے ، اس میں کارپوریٹ سیکٹر کو بھی چاہیے کہ وہ اپنا حصہ ڈالے. انہوں نے کہا کہ فنکار کبھی بھی ریٹائرڈ نہیں ہوتا ، بلکہ وقت کے ساتھ ساتھ اس کے کام میں نکھار آتا جاتا ہے.
انہوں نے کہا کہ” میں نے کبھی نہیں سوچا کہ میں اداکاری سے ریٹائرمنٹ لوں گی ”بلکہ میں تو کہتی ہوں کہ جب تک مجھے معیاری کام ملتا رہے گا میں کرتی رہوں گی . انہوں نے کہا کہ میرے ساتھ جب بھی کسی جونئیر نے کام کیا ہے میں نے اس کی بھرپور رہنمائی کی ہے، اس کو جتنا بھی بتانا اور سکھانا پڑے سکھاتی اور بتاتی ہوں ، آخرہم بھی تو اسی پراسس سے گزرے تھے ، ہمیں بھی ہمارے سینئرز نے سپورٹ کیا تھا. اس لئے میں سمجھتی ہوں کہ بہت ضروری ہوتا ہے کہ ہم دوسروں کے لئے دل میں سافٹ کارنر رکھیں.
