سجاد علی نے اپنا نیا گانا دوست ریلیز کر دیا

پاکستان کے معروف لیجنڈ گلوکار سجاد علی نے اپنا نیا گانا دوست سوشل میڈیا پر شئیر کر دیا

باغی ٹی وی : سماجی رابطے کی ویب سائٹ یو ٹیوب پر گلوکار نے 4 منٹ اور 22 سیکنڈ پر مبنی اپنے نئے گانے دوست کی ویڈیو شیئر کی ویڈیو شئیر کرتے ہوئے گلوکار نے لکھا کہ تخلیقی صلاحیتوں کو قرنطینہ نہیں کیا جاسکتا

انہوں نے مداحوں کو گانے کے بارے میں بتاتے ہوئے لکھا کہ دوست‘ گانے کی ویڈیو دو ہفتے 24 گھنٹے کے مسلسل لاک ڈاؤن کے دوران بنائی گئی ہے

سجاد علی نے لکھا میں نے یہ ویڈیو دنیا بھر میں اپنے تمام پرستاروں کے لئے بنائی ہے سلامت رہیں اور لطف اٹھائیں

سجاد علی کے نئے گانے کو اُن کے مداحوں کی جانب سے خوب سراہا اور پسند کیا جارہا ہے صارفین اس گانے کو ایک نیا شاہکار قرار دے رہے ہیں

گانے کی مقبولیت کا اندازہ اس بات سے لگایا جا سکتا ہے کہ گانے کی ویڈیو کو 22 گھنٹے کے مختصر وقت میں 5 لاکھ سے زائد لوگ دیکھ چکے ہیں

واضح رہے کہ سجاد علی کا اس سے قبل ایک گانا بارش بھی ریلیز کیا جسے مداحوں کی طرف سے خوب سرا ہا گیا تھا اور بے حد مقبول ہوا تھا