جب تک پورے نظام میں تبدیلی نہیں لاتی سکون سے نہیں بیٹھوں گی، مریم نواز

وزیراعلیٰ پنجاب مریم نواز نے پنجاب اسمبلی میں بجٹ اجلاس کے دوران اظہار خیال کرتے ہوئے کہا کہ اپوزیشن کو اپنی کارکردگی سے شکست دیں گے،

مریم نواز نے خطاب کیا تو اس دوران اپوزیشن کی جانب سے شورشرابا کیا گیا تا ہم مریم نواز نے اپنا خطاب جاری رکھا اور کہا کہ نظام حکومت میں بہتری کیلئے درکار کئی تبدیلیاں لائی جارہی ہیں،باقی قیدیوں کو وہ سہولیات میسر نہیں جو عمران خان کو میسر ہیں،اپوزیشن عوامی خدمت میں نہیں انتقامی کاروائیوں میں مصروف رہی ہے، اپوزیشن کے پاس کہنے کیلئے کچھ نہیں،پی ٹی آئی نے اپنی 100 دن کی کارکردگی کا اشتہار دیا تھا، اس میں لکھا تھا کہ ہم مصروف تھے، آپ خدمت میں نہیں انتقامی کاروائیوں میں مصروف تھے،مجھے نواز شریف کی سپورٹ حاصل ہے، شہباز شریف نے بھی میری حوصلہ افزائی کی ہے، ہم نے پنجاب کی تاریخ کا سب سے بڑا بجٹ پیش کیا ہے، پہلی بار پنجاب کی عوام پر زیرو ٹیکس لگا ہے،نواز شریف نے کہا بانی پی ٹی آئی کو چاہے مزید اے سی لگوا دیں پروا ہ نہیں ،عمران خان کی جیل میں دوسرا اے سی بھی لگا دو اعتراض نہیں، سیاسی مخالفین سے انتقام لینا بہت آسان کام ہے، بانی پی ٹی آئی کو جو مرضی سہولت مل جائے ہماری طرف سے کوئی زیادتی نہیں ہونی چاہیے، 100 روز میں پنجاب کی حکومت نے انقلابی اقدامات کیے ہیں،جو بول کر جاؤں گی اس کو ایک سال میں پورا کروں گی، پنجاب کا بجٹ الفاظ کا ہیر پھیر نہیں، ہم نے کاغذی نہیں کیش پیک منصوبے شروع کیے، مہنگائی میں بہت حد تک کمی ہو چکی ہے،برسوں بعد ان کی نااہلی کے بعد عوام کو سکھ کا سانس آیا ہے،ان کے چار سال میں ایک ترقیاتی منصوبہ نہیں،

شرم و حیا کے نعرے لگانیوالوں کو توشہ خانہ میں لوٹ مار کرتے وقت شرم کیوں نہ آئی، مریم نواز
وزیراعلیٰ پنجاب مریم نواز نے اپوزیشن پر تنقید کرتے ہوئے کہا کہ جو شرم و حیا کے نعرے لگارہے انکو یہ شرم تب کیوں نہیں آئی جب فوجی تنصیبات پر حملے کررہے تھے اور توشہ خانہ میں لوٹ مار کررہے تھے،پنجاب بھر کے سکولوں میں پری سکول سے پانچویں جماعت تک مفت دودھ کا منصوبہ شروع کریں گے،مفت دودھ کی فراہمی کے منصوبے پر 27 ارب روپے لاگت آئے گی،ہم نے یہ بھی سنا کہ 4 سال حکومت کرنے کے بعد ایک "کریمنل” جملہ کہا گیا میں آلو پیاز کے ریٹ پتہ کرنے نہیں آیا لیکن میں آج ان کے ریٹس میں تاریخی کمی کے بعد یہاں آئی ہوں،

میرا عہدہ جہازوں گاڑی کے استعمال کےلئے نہیں یہ عوام کی خدمت کا جذبہ ہے،وزیراعلیٰ پنجاب
وزیراعلیٰ پنجاب مریم نواز کا مزید کہنا تھا کہ حکومت نے جو مشکل فیصلے کئے اس سے آٹا اور روٹی کی قیمت میں واضح کمی آئی، آٹے کا تھیلا جا تیراں سو اسی کا مل رہا تھا اب وہ آٹھ سو روپے میں دستیاب ہے، اپوزیشن اپنا گلا پھاڑنے کے بجائے کے پی میں روٹی کی قیمت کم کروائے،گندم کی قیمت میں واضح کمی لانے سے براہ راست فائدہ عام آدمی کو ہوا، پیٹرول و ڈیزل کی قیمت کا ثمر عوام کو ملا ، عید الاضحی پر بسوں میں اضافی کرایہ ان مسافروں کو واپس کیا ،سوال تو اٹھتا ہے زمین سے خزانہ تو نہیں نکلا یا تیل کے کنویں تو نہیں نکلے وہی بیوروکریسی اور وہی وسائل ہیں کیونکہ ہمارے دل میں سوچ عوام کی ہے۔ میرا عہدہ جہازوں گاڑی کے استعمال کےلئے نہیں یہ عوام کی خدمت کا جذبہ ہےعیدالاضحی پر تین دن آلائشوں کو صاف کیاگیا وہ تاریخی ہے اٹھارہ اٹھارہ گھنٹے پنجاب کی ایڈمنسٹریشن نے کام کیا، ذیشان رفیق نے پنجاب کی دل سے خدمت کی، سڑکوں کی وہ بدبو ان کے زمانے میں آتی تھی اس بار وہ بدبو شہر لاہور سے نہیں آئی بلکہ خوشبو آئی، ذخیرہ اندوزی ناجائز تجاوزات خاتمہ قیمتوں کے کنٹرول کےلئے نئی انفورسمنٹ اتھارٹی بنائی جا رہی ہے جو قیمتوں کو کنٹرول کرے گی۔ مریم کی دستک پروگرام سے عوام کی دہلیز تک پہنچایا رمضان پیکج دروازہ کھٹکھٹا کر بجایا ، پینسٹھ سروسز کو پنجاب کے ہر ضلع تک پہنچائیں گے یہ کرنا آسان نہیں ان کی نااہلی سے مجرمانہ اقدام کی وجہ سے مشکل تھا،

انتظامی امور میں سیاسی مداخلت کی جگہ نہیں ،کرپشن کرنیوالوں کو نشان عبرت بنائیں گے،مریم نواز
مریم نواز کا مزید کہنا تھا کہ ہم خدمت میں پیچھے نہیں بلکہ بہت آگے جائیں گے، کرپشن ان کی مہربانی سے پاکستان کے طول وعرض میں پہنچ چکی ہے،تین ماہ میں سو پروگرام کی لانچ کے بعد کرپشن کو ختم کرنے کےلئے کام کررہی ہوں،جلد ایسا سسٹم لائوں جو جہاں رشوت مانگے اس کے خلاف سخت ایکشن ہوگا، جو عوام کا پیسہ جیب میں ڈالتے ہیں انہیں پنجاب حکومت نشان عبرت بنا دے گی،انتظامی امور میں سیاسی مداخلت کی جگہ نہیں دی، ایک تقرری بغیر میرٹ کے نہیں ہوگی کوئی وزیر اعلیٰ دعویٰ نہیں کر سکتا اس کے دور میں ایک تقرری بھی سفارش سے نہیں ہوئی، پیپلزپارٹی کا شکریہ ادا کرتی ہوں کہ انہوں نے بھی اسی بات کو مانا اگر ن لیگ کے کہنے پر کوئی تقرری نہیں ہوگی تو ہم بھی نہیں کہیں گے، بہتر پنجاب بنانے کےلئے اتحادیوں کی شکر گزار ہوں،تاریخی کسان پیکج لا رہے ہیں چار سو ارب روپے کا پیکج آ رہا ہے،تیس ارب روپے سے تاریخی کی سب سے بڑی ٹریکٹر سکیم شروع کررہے ہیں، ہر فصل کےلئے بلاسود ڈیڑھ لاکھ روپے قرضہ دیں گے، بیج، ادویات کےلئے ڈیڑھ لاکھ روپے کسان کو ملے گا،کسان کو کہنا چاہتی ہوں کسی کے بہکارے میں مت آئیں آنے والے وقت میں کسان بہت خوشحال ہوگا، کسانوں شرپسند اور پروپیگنڈہ ، لڑائیاں کروانے عناصر کی بات میں نہ آنا،ایگری کلچر ریفارمز ایک چھت میں تمامُ سہولیات دیں گے، ایک چھت کے نیچے کسان کو کوالٹی سیڈ کوالٹی کھاد دیں گے ، کسان کا ہاتھ نہ کٹے کم محنت میں زیادہ پیسہ ملے تو زراعت کے نظام کو میکانائز کریں گے، آٹھ ارب منصوبے میں جدید آلات کے پہلے مرحلے میں تھریشر اور سپر سیڈ دیں گے چالیس فیصد کسان کو دینا پڑے گا،ہماری محنت کش مائیں بہنیں کھیتوں میں کام کرتی ہیں دھوپ و گرم پانی میں گھنٹوں کام کرتی ہیں سلام پیش کرتی ہوں،بہت سارے لوگوں کا تعلق دیہات ہے سولر ٹیوب ویل لا رہے ہیں بجلی و ڈیزل کی مد میں کسان کو سبسڈی دیں گے، آئل سیڈ کی پیداوار کو بڑھائیں گے تاکہ تیل کی قیمت کو نیچے لائیں،تیس ارب روپے کے ٹریکٹر کسانوں کو دیں گے ستر فیصد حکومت تو تیس فیصد حکومت دے گی،حلفا کہتی ہوں تعلیم میں پی ٹی آئی کا انرولمنٹ فراڈ اور جعلی تھا،میپنگ سکول بنائی ہے تاکہ کسی بھی چیز کی کمی کو پورا کریں گے،پہلی بار تعلیم کے شعبہ کو کریکولم ، ٹیچر کا احتساب اور سکلڈ ڈویلپمنٹ پروگرام، آئوٹ آف بچوں کو اچھے سکولوں میں بھیجیں گے، جب تک پورے نظام میں تبدیلی نہیں لاتی سکون سے نہیں بیٹھوں گی، چھوٹے بچوں کےلئے تعلیمی نظام کو تبدیل کروں گی، نوازشریف چلڈرن لائبریری قائم کررہے ہیں کے بجٹ کی منظوری دیدی ہے، ارلی ایجوکیشن پروگرام اور سپیشل ایجوکیشن پروگرام لا رہے ہیں، ہمت کارڈ دینے جا رہی ہوں جس سے تین سے چار ماہ کا خرچہ ہوگا،جو وہیل چئیر نہیں لے سکتا اب معذور افراد کو وہیل چئیر گھر پہنچائوں گی، سکولز کا دورہ کیا تو بتایا گیاکہ اکثر بچے ناشتہ کرکے نہیں آتے عاجزی سے اعلان کرتی ہوں پنجاب بھر میں کلاس ون تک فری کھانا دیں گے، ستائیس ارب روپے کی لاگت سے کلاس تھری سے فائیو تک مفت دودھ سکولوں میں بچوں کو دیا جائے گا، جنوبی پنجاب لیہ بھکر راجن پور سے مفت دودھ والی سکیم کو شروع کریں گے، تمام بچوں کو فری دودھ سکول کی چھٹیوں کے بعد دیا جائے گا،

امریکی ایوان نمائندگان میں قرارداد،پاکستان کے خلاف آپریشن گولڈ اسمتھ کی ایک کڑی

آپریشن گولڈ سمتھ کے حوالہ سے سینئر صحافی و اینکر پرسن مبشر لقمان نے ایک وی لاگ میں انکشافات کیے تھے اور کہا تھا کہ اب آپریشن گولڈ سمتھ جو ہے چڑیل کی خبر کے مطابق وہ لانج ہو گیا ہے

امریکی قرارداد پاکستان کے سیاسی حالات سے ناواقفیت پر مبنی ہے،ترجمان دفتر خارجہ

گولڈسمتھ 2.0 کے حصے کے طور پر قرارداد 901 پاکستان کو کمزور کرنے کی کوشش

امریکی قرارداد مسترد، وزیر خارجہ کا مقابلے میں قرارداد لانے کا اعلان