ایک وقت تھا جب کامیڈینز صرف سٹیج پر ہی دکھائی دیتے تھےلیکن وقت نے پلٹا کھایا تو یہ سب ٹی وی کے پروگرامز میں جا بیٹھے ان کے معاوضے بڑھ گئے. ان کی اہمیت اس قدر بڑھ گئی کہ ان کے بغیر کوئی بھی ٹی وی کا کامیڈی پروگرام ادھورا سمجھا جانے لگا. سینئر اداکار البیلا نے اپنے حالیہ انٹرویو میںکہا ہے کہ مختلف ٹی وی چینلز پر دکھائے جانے والے مزاحیہ شوز ایک طرح سے اسٹیج ڈرامہ ہی ہیں ، ان شوز کی اہمیت کو بر قرار رکھنے کے لئے وقت کیساتھ ساتھ تبدیلی لانے کی ضرورت ہے۔
انہوں نے مزید کہا کہ اگر نجی ٹی وی چینلز ایک ہی طرز پر مسلسل شوز دکھاتے رہیں گے تووہ وقت بھی آئے گا جب یہ اپنی اہمیت کھو دیں گے اور ان اداکاروں کو دوبارہ اسٹیج کی طرف آنا پڑے گا۔ انہوں نے کہا کہ ان شوزمیں بھی جگتیں لگائی جاتی ہیں او ریہ ایک طرح سے اسٹیج ڈرامہ ہی ہیں تاہم ”وقت کا تقاضہ ہے کہ ان میں گزرتے وقت کیساتھ تبدیلی لائی جائے”۔سلیم البیلا نے کہا کہ جن پروگراموں کا شائقین پسند کرتے ہیں ان میں تبدیلیاں وقت کے ساتھ آتی رہنی چاہیے تاکہ شائقین کی دلچپسی برقرار رہے. یاد رہے کہ سلیم البیلا بہت جلد دنیا ٹی وی کے پروگرام مذاکرات میںدکھائی دیں گے.
