سلمی نے وحید مراد کے بعد شادی کیوں نہیں کی ؟‌

سلمی مراد جو کہ چاکلیٹی ہیرو وحید مراد کی اہلیہ ہیں، ان کا بیگم نوازش علی کے ساتھ انٹرویو کا ایک کلپ سوشل میڈیا پر وائرل ہو رہا ہے، اس میں وہ بتا رہی ہیں کہ وحید مراد کے انتقال کے بعد مجھے بہت سارے موقع ملے لیکن میں نے شادی نہیں کی، کیونکہ میں شادی کرنا ہی نہیں چاہتی تھی. وحید مراد کے انتقال کے بعد میں بہت اکیلی ہو گئی تھی لیکن میں نے بہت سارے کاموں میں خود کو انوالو کر لیا. انہوں نے ایک سوال کے جواب میں کہا کہ میں نے وحید مراد کو بہت زیادہ آزادی دے رکھی تھی اور کوشش کرتی تھی کہ میری وجہ سے وہ اپ سیٹ نہ ہو. انہوں

نے بھی مجھے میری مرضی کے مطابق ہر کام کرنے کی آزادی دے رکھی تھی. انہوں نے کہا کہ وحید مراد بہت اچھے انسان تھے وہ اپنے شوبز کو سٹوڈیو کی حد تک رکھتے تھے. سلمی مراد نے یہ بھی کہا کہ میں نے کبھی نہیں سوچا تھا کہ میں نے اداکارہ بننا ہے، مجھے اداکاری کا شوق ہی نہیں تھا. انہوں نے کہا کہ وحید مراد نے بہت ساری ہیروئنز کے ساتھ کام کیا ،سب کے ساتھ اچھے لگتے تھے لیکن زیبا کے ساتھ ان کی جوڑی بہت اچھی لگتی تھی جب یہ جوڑی ٹوٹی تو لوگ بہت دکھی ہوئے تھے.