سلمان خان کے ساتھ کام کرنا ہمیشہ سے میرا خواب رہا ہے عمران ہاشمی

بھارتی اداکار عمران ہاشمی کا کہنا ہے کہ سلمان خان کے ساتھ کام کرنا ہمیشہ سے میرا خواب رہا ہے-

باغی ٹی وی :بھارتی میڈیا رپورٹس کے مطابق اداکار عمران ہاشمی کو سلمان خان کی فلم ’ٹائیگر3‘ میں بطور ولن کاسٹ کیا گیا ہے تاہم ابھی تک دونوں جانب سے اس بات کی تصدیق نہیں کی جاسکی ہے-

اس حوالے سے عمران ہاشمی کا کہنا ہے کہ وہ سلمان خان کی بلاک باسٹر فلم میں کام کرنا چاہتے ہیں لیکن ابھی وہ خود بھی اس بارے میں نہیں جانتے۔

ایک انٹریو میں عمران ہاشمی نے کہا کہ یقینی طور پر میں سلمان خان کے ساتھ کام کرنا چاہتا ہوں، سلمان خان کے ساتھ کام کرنا ہمیشہ سے میرا خواب رہا ہے اور ایک دن یہ ضرور پورا ہوگا۔

دوسری جانب یش راج فلمز کا کہنا ہے کہ عمران ہاشمی ولن کے رول کے لیے ایک دم فٹ ہیں اور اسی لیے انہیں ولن کا رول دیا گیا ہے تاہم ابھی تک اس حوالے سے نہ تو باقائدہ تصدیق کی گئی ہے اور نہ ہی اداکار نے ابھی تک کانٹریکٹ پر سائن کیا ہے۔