سلمان خان کی فلم ٹائیگر 3 میں ولن کا کردار کون سے نامور ہیرو کریں گے؟

بالی ووڈ سلطان سلمان خان اور باربی ڈول کے نام سے مشہور اداکارہ کترینہ کیف کی فلم ’ٹائیگر3‘ میں ولن کا کردار عمران ہاشمی ادا کریں گے۔

باغی ٹی وی : بھارتی میڈیا کے مطابق سلمان خان،کترینہ کیف اور عمران ہاشمی نے فلم کی شوٹنگ شروع ہونے سے پہلے ایک پوجا میں بھی ایک ساتھ شرکت کی۔

فلم ’ٹائیگر3‘ کے شیڈول کے مطابق فلم کی باقاعدہ شوٹنگ کا آغاز مارچ میں کیا جائے گا۔ یہ فلم بھارت کے علاوہ یورپی ممالک میں بھی شوٹ کی جائے گی۔

بھارتی میڈیا رپورٹس کے مطابق سلمان خان اور کترینہ کیف کے کچھ سینز مارچ میں ممبئی کے اسٹوڈیو میں شوٹ کئے جائیں گے یہ شوٹنگ ایک ماہ تک جاری رہے گی۔

اپریل میں فلم کی شوٹنگ روک دی جائے گی کیونکہ سلمان خان اپنی فلم ’رادھے‘ کی پروموشن کریں گے جو اسی سال عید پر ریلیز ہوگی۔ جبکہ کترینہ کیف بھی اپنی دوسری فلم کی شوٹنگ شروع کرائین گی۔

جون میں فلم ’ٹائیگر3‘ کی ٹیم 40 سے 45 دنوں کے لئے یورپ جائے گی جہاں اس فلم کا مرکزی اور زیادہ تر حصہ شوٹ کیا جائے گا۔

رپورٹس کے مطابق فلم کی شوٹنگ ستمبر میں مکمل کرلی جائے گی ایکشن سے بھرپور اس فلم کا بجٹ350 کروڑ رکھا گیا ہے۔