سلمان خان رتیش دیش مکھ کی ڈائریکٹوریل فلم میں کام کریں گے ؟

اداکار رتیش دیش مکھ جنہوں نے بطور اداکار اپنی صلاحیتوں کا لوہا منوایا ، ا ب وہ فلم ڈائریکٹ کرنے جا رہے ہیں ۔فلم کا نام ہے ”ویڈ “ جو کہ مراٹھی زبان میں ہوگی ۔ رپورٹس یہ بھی ہیں کہ رتیش دیش مکھ کی پہلی ڈائریکٹوریل فلم میں بالی وڈ کے دبنگ سلمان خان دکھائی دیں گے ۔رتیش دیش مکھ اس سلسلے میں سلما ن خان کے ساتھ بات چیت کررہے ہیں ۔سلمان خان آج کل اپنی فلم ” کبھی عید کبھی دیوالی “ کی شوٹنگ میں مصروف ہیں ۔ رتیش اور سلما ن خان کی آپس میں کافی دوستی ہے کہا جا رہا ہے کہ اس دوستی کی خاطر شاید سلمان رتیش کو منع نہیں کر سکیں گے ۔ اس فلم سے جنیلیا ڈی سوزا جو کہ رتیش دیش مکھ کی اہلیہ بھی ہیں وہ فلموں میں واپسی کررہی ہیں ۔جنیلیا ڈی سو زا

آخری بار دس برس قبل سکرین پر نظر آئی تھیں،جنیلیا کا شمار ان اداکاراﺅں میں ہوتا ہے جنہوں نے بہت ہی کم عرصے میں شہرت سمیٹی اپنی لاجواب اداکاری کے بل پر انہوں نے خود بالی وڈ کی نمایاں اداکاراﺅں کی صف میں لاکھڑا کیا ۔ٹی وی کی معروف اداکارہ جیا شنکر بھی اس فلم سے اپنا ڈیبیو کررہی ہیں۔
رتیش دیش مکھ نے ایک ٹویٹ کے زریعے اپنے مداحوں کو بتایا کہ وہ فلم ’ویڈ‘ کی ہدایت کاری کریں گے۔ اپنی ٹوئٹ میں انہوں نے لکھا کہ 20 سال تک کیمرے کے سامنے رہنے کے بعد میں نے پہلی بار کیمرے کے پیچھے رہنے کا فیصلہ کیا ہے۔