مریم نواز کی پیزا پر تنقید کے بعد سلمان شہباز اب برمنگھم میں برگرز بیچیں گے
![](https://baaghitv.com/wp-content/uploads/2020/12/sa.jpg)
مریم نواز کی پیزا پر تنقید کے بعد سلمان شہباز اب برمنگھم میں برگرز بیچیں گے
باغی ٹی وی رپورٹ کے مطابق :شہبازشریف کے صاحب زادے سلمان شہباز کی برطانیہ میں کاروباری سرگرمیاں، سلیمان شہباز کے نام مختلف کاروباروں سے منسلک چھ کمپنیز ہیں جن کے وہ ڈائریکٹر ہیں۔ برطانیہ کے شہر برمنگھم میں فیٹ بنز کے نام سے برگر چین کا کاروبار بھی سلیمان شہباز کا ہے۔ سلیمان شہباز ڈورسٹیپ ڈیزرٹس برمنگھم، سنٹرل ریٹیل لمیٹڈ، فیٹ بنز لمیٹڈ، پروفیشنل بنز لمیٹڈ، ایچ ایس ایس وینچرز لمیٹڈ اور پروفیشنل ڈیزرٹس برمنگھم لمیٹڈ کے ڈائریکٹر ہیں۔
سلمان شہباز نے برگر بیچنے شروع کر دیے #BaaghiTV #breaking pic.twitter.com/TWjqKwSEzT
— Baaghi TV باغی ٹی وی (@BaaghiTV) December 14, 2020
کمپنی ہاؤس کے ریکارڈ کے مطابق سلیمان شہباز نے دو کمپنیز لاک ڈاؤن کے دوران جون اور دو جولائی 2020 میں شروع کیں تاہم ان کمپنیز کی مالیت کی تفصیلات کمپنی ہاؤس پر موجود نہیں۔ چار کمپنیز پر لندن کے علاقے ایلنگ کا، ایک پر پارک رائل اور ایک پر اسکاٹ لینڈ کے علاقے سٹرلنگ کا پتہ درج ہے۔
سلیمان شہباز نے ان کمپنیز میں کتنے پیسے انویسٹ کئے، پیسے کس ذریعے سے برطانیہ منتقل کئے گئے اس حوالے سے جب سلیمان شہباز سے رابطہ کیا تو انہوں نے کہا کہ ابھی میں نے ان کمپنیز میں اانویسٹمنٹ نہیں کی، ابھی یہ کاروبار پلاننگ فیز میں ہے تاہم ویڈیو میں دیکھا جا سکتا ہے کہ فیٹ بنز کی برمنگھم میں عمارت، بورڈز، کرسیاں بھی لگ چکی ہیں اور گوگل پر صارفین کے ریویوز بھی موجود ہیں۔
رپورٹ عبداللہ چیمہ، لندن