ثنا جاوید کے بھائی کا نو بیاہتا جوڑی کے لئے محبت بھرا پیغام

گزشتہ روز پاکستان میوزک انڈسٹری کے نامور گلوکار عمیر جسوال کے ساتھ رشتۂ ازدواج میں منسلک ہونے والی اداکارہ ثنا جاوید کے بھائی عبداللہ جاوید نے سوشل میڈیا پر نئی نویلی جوڑی کے لیے محبت بھرا جذباتی پیغام شئیر کیا اور مستقبل کے لیے نیک خواہشات کا اظہار کیا ۔

باغی ٹی وی : اداکارہ ثنا جاوید کے بھائی عبداللہ جاوید نے سوشل میڈیا ویب سائٹ انسٹاگرام پر اپنی بہن کے نکاح کی دن کی خوبصورت تصویر پوسٹ کی ہے جس میں عمیر جسوال اور ثنا جاوید دونوں ایک دوسرے کا ہاتھ تھامے بیٹھے ہیں۔
https://www.instagram.com/p/CGk1JTUhfLN/
انسٹاگرام پر تصویر پوسٹ کرتے ہوئے عبداللہ جاوید نے اپنی بہن اور بہنوئی سے مخاطب ہوتے ہوئے لکھا کہ یہ ہماری زندگی کا ایک خوبصورت دن تھا۔

عبداللہ جاوید نے لکھا کہ بہت خوش قسمت ہوتے ہیں وہ بھائی جو اپنی بہن کو خوش دیکھتے ہیں اور جب اُنہیں ایک ایسا بہنوئی مل جائے جو اُن کی بہن سے بہت زیادہ محبت کرے تو بھائی مطمئن ہوجاتے ہیں۔

ثنا جاوید کے بھائی نے جوڑی کو شادی کی مبارکباد دیتے ہوئے لکھا آپ دونوں اپنی پوری زندگی خوشی خوشی ایک ساتھ رہیں آمین، یہ بھائی کی دعا ہے۔

واضح رہے کہ گزشتہ روز ثنا جاوید اور گلوکار عمیر جسوال نے اپنی شادی کی تصویر شیئر کر کے اپنی شادی کی تصدیق کی تھی ۔شوبز جوڑی کی شادی کی تقریب کراچی کے مقامی ہوٹل میں منعقد کی گئی جس میں قریبی رشتے داروں نے شرکت کی۔

ثنا جاوید اور عمیر جسوال شادی کے بندھن میں بندھ گئے