ثنا جاوید اور عمیر جسوال شادی کے بندھن میں بندھ گئے

ڈرامہ سیریل خانی سے شہرت حاصل کرنے والی پاکستان کی مقبول ترین اداکارہ ثنا جاوید اور گلوکار عمیر جسوال شادی کے بندھن میں بندھ گئے۔

باغی ٹی وی : جوڑی نے اپنی شادی کی تصدیق اپنے سوشل میڈیا پیغامات کے ذریعے بیک وقت اپنے نکاح کی تصویر شیئر کرتے ہوئے ’الحمداللہ‘ کا کیپشن دیا۔
https://www.instagram.com/p/CGks6wMBFXQ/?igshid=1043ha2enn2t7
https://www.instagram.com/p/CGks6wJHXBu/?igshid=1gjalitg48tze
ثنا جاوید اور عمیر جسوال کی جانب سے شیئر کی جانے والی تصویر میں دونوں کو شادی کے ملبوسات زیب تن کیے، گلے میں ہار ڈالے ایک دوسرے کا ہاتھ تھامے مسکراتے ہوئے دیکھا جاسکتا ہے۔

شوبز جوڑی کی شادی کی تقریب کراچی کے مقامی ہوٹل میں منعقد کی گئی جس میں قریبی رشتے داروں نے شرکت کی۔

ثنا جاوید اور عمیر جسوال کی تصویریں سوشل میڈیا پر وائرل ہوگئی ہیں اور مداحوں کی جانب سے دونوں کو مبارک باد دینے کا سلسلہ جاری ہے۔

مداحوں کے ساتھ ساتھ مشہور و معروف شخصیات نے بھی ثنا اور عمیر کو شادی کی مبارکباد دی اور اپنے پیغامات میں جوڑی کے مستقبل کیلئے نیک خواہشات کا اظہار کیا جارہا ہے۔

مبارکباد کے پیغامات دینے والوں میں اداکار فیروز خان، بلال عباس خان، کومل عزیز خان، میکال،ذوالفقار،اسد صدیقی،منیبہ مزاری ،ملیحہ رحمنٰن،شائستہ لودھی، منشا پاشا، ایمن خان، سارہ خان، فلک شبیر، نیلم منیر، مومل شیخ، منال خان، قومی کرکٹ ٹیم کے سابق کپتان سرفراز احمد، اداکار عمران اشرف اعوان،شہروز سبزواری، ماڈل او اداکارہ صدف کنول،صحیفہ جبار، زینب چوٹھانی، سنیتا مارشل اور عدنان انصاری اور دیگر شامل ہیں۔

ثنا جاوید کی بہن اور شوبز انڈسٹری کی ابھرتی ہوئی اداکارہ حنا جاوید نے نکاح کی مبارکباد دیتے ہوئے کہا کہ اللہ پاک آپ دونوں کو ہمیشہ خوش رکھے۔ (آمین)

ثنا جاوید کی بہن کی طرح عمیر جسوال کے گھر والے بھی کافی خوش دکھائی دیئے جس کا اظہار انہوں نے اپنے سوشل میڈیا پوسٹس کے ذریعے کیا۔

عمیر جسوال کے بھائی عزیر جسوال نے بھابھی ثنا کو گھر میں خوش آمدید کہا ایک پوسٹ میں انہوں نے دو بچوں کے ساتھ اپنی تصویر شیئر کرتے ہوئے لکھا کہ باراتی بچے جو چاچو عمیر جسوال کے نکاح کی تقریب میں شرکت کررہے ہیں۔
https://www.instagram.com/p/CGky-QeAURR/?igshid=1561vq8jtgrs9
اسی طرح عمیر کے بھائی یاسر جسوال نے بھی بھائی سے محبت کا اظہار کیا اور ساتھ ہی تمام لوگوں سے مسٹر اور مسز جسوال کو ہیلو کہنے کا بھی کہا۔
https://www.instagram.com/p/CGkun-NnF–/?igshid=117fcndybvc95
خیال رہے کہ ثنا جاوید اور گلوکار عمیر جسوال سے متعلق سوشل میڈیا پر افواہیں زیر گردش رہ چکی ہیں کہ دونوں جلد شادی کرلیں گے۔

شوبز انڈسٹری کی یہ جوڑی ہمیشہ سے اپنی دوستی کے بارے میں خاموش ہی رہی تھی تاہم اب اچانک شادی کی خبر نے مداحوں کے شک کو سچ میں تبدیل کر کے خوش کردیا۔

یاد رہے کہ ثنا جاوید کا شمار پاکستان کی بہترین اداکاراؤں میں کیا جاتا ہے، انہوں نے ڈرامہ خانی، رسوائی، زرا یاد کر جیسے بہترین ڈراموں میں اپنی اداکاری کے جوہر دکھا چکی ہیں۔

دوسری جانب عمیر جسوال پاکستان کے مقبول ترین گلوکار ہیں وہ اپنے میوزک کیریئر میں کئی کنسرٹس کے ساتھ ساتھ کوک اسٹوڈیو میں بھی پرفارم کرچکے ہیں۔

نیہا ککڑ اور روہن پریت سنگھ کی شادی کی تقریبات کا آغاز ہو گیا؟

منشا پاشا کی سالگرہ کی تصاویر اور ویڈیوز سوشل میڈیا پر وائرل