برے وقت کو اپنی کمزوری نہ بنائیں ثناء نواز

لالی وڈ اداکارہ ثناء نواز جنہوں نے اپنے شوہر فخر سے شادی کے کئی سال کے بعد علیحدگی کی. انہوں نے کہا کہ انسان پر برا اور اچھا وقت دونوں آتے ہیں، لیکن اسکو کمزوری نہیں بنانا چاہیے. انہوں نے کہا کہ کسی بھی برے وقت کی یاد کو ساتھ لیکر چلنے سے آپ یقینا کمزور پڑتے ہیں، لہذا خود کو مضبوط بنانے کےلئے ماضی سے نکل کر حال میں جئیں. انہوں نے کہا کہ ضروری نہیں ہے کہ ایک رشتہ نہیں چلا تو آپ دوبارہ شادی نہ کریں، اگر آپ کو مناسب انسان مل جائے تو دوبارہ سے اپنی زندگی شروع کریں. آپ کو اپنی نئی زندگی کے اہداف مقرر کرنے چاہیں.

اداکارہ نے اپنی ذاتی زندگی کی بات کرتے ہوئے کہا کہ میرے دو بیٹے ہیں بڑے ہو رہےہیں، میری کوشش ہے کہ میں ان کی بہترین پرورش کروں. یہ دونوں مہذب انسان بنیں رشتوں کی قدر کرنا سیکھیں. انہوں‌نے کہا کہ بطور ماں میں‌ اپنے بچوں کو یہی درس دوں گی کہ کبھی کسی کا دل نہ دکھائیں اس دل میں‌رب بستا ہے کبھی بھی رب دکھی دل کی سن سکتا ہے اور دل دکھانے والا انسان کیا سے کیا ہوسکتا ہے. انہوں‌نے پاکستان سے محبت کریں ، یہ ہے تو ہم ہیں.