اداکارہ ثناء نواز نے اپنے حالیہ انٹرویو میںکہا ہے کہ میں اپنی زندگی میںبہت ساری مشکلات سے گزری ہوں لیکن کبھی ہمت نہیںہاری. انہوں نے کہا کہ سب کو یہ سمجھنا چاہیے کہ فنکار بھی انسان ہوتے ہیں ان کی زندگی میں بھی نارمل انسانوں کی طرح ہی مسائل اور خوشیاں ہوتی ہیں. بس فرق یہ ہے کہ ہم ہر وقت اس لئے خوش نظر آتے ہیں کیونکہ ہم سکرپٹ کے مطابق کام کررہے ہوتے ہیں اور ایسا لگتا ہے کہ جیسے ہماری زندگی میں کوئی غم اور پریشانی نہیں ہے. ایسا نہیں ہے ہر فنکار کی زندگی میں مسائل ہوتے ہیں لیکن وہ ظاہر نہیں کرتا.
انہوں نے مزید کہا کہ ”ماضی میںرہنا حماقت ہوتی ہے ہر انسان کو چاہیے کہ وہ اپنے ماضی کو بھول کر حال میںجینا سیکھے اور جو اس چیز پر عمل کرتا ہے وہ نہ صرف زندگی میں آگے بڑھ جاتا ہے بلکہ اسکی زندگی بہت زیادہ پرسکون ہوجاتی ہے. ” انہوں نے کہا کہ میں اپنی زندگی میں اب بہت خوش ہوں ، میرا فوکس اپنے بچوں اور اپنے کیرئیر پر ہے. یاد رہے کہ ثناء نواز کی کچھ مہینے پہلے فخر سے طلاق ہوئی ہے اور ثناء اپنے بچوںکے ساتھ رہتی ہیں . جبکہ فخر کبھی کبھار اپنے بچوں سے ملتے ہیں.
کیرئیر کے ابتداء میں نامناسب مطالبات ماننے سے انکار کر دیا اعجاز اسلم
شاہ رخ خان اپنی بیٹی سہانا کے ساتھ فلم میں نظر آئیں گے
ندا یاسر نے دو سال پہلے ہی کہہ دیا سیبنا بڑی ہیروئین بنیں گی
Leave a reply
