تین سال سے ڈرامہ کیوں نہیں کررہی صنم سعید نے وجہ بتا دی

ٹی وی اور فلم کی معروف اداکارہ صنم سعید نے لاہور میں‌ ہونے والے پاکستان لٹریچر فیسٹیول میں کہا ہے کہ میں تین سال سے ڈرامے نہیں کررہی، ڈرامے نہ کرنے کی بڑی وجہ یہ ہےکہ جس طرح کی کہانیاں لکھی جا رہی ہیں ان میں مجھے بالکل بھی دلچپسی نہیں ہے. صنم سعید نے کہا کہ مجھے جب تک کہانی اور کردار پسند نہ آئے میں سائن نہیں کرتی. میرے پاس پچھلے تین سال میں بہت ساری کہانیاں آئیں لیکن مجھے پسند نہیں آئیں. ساری کہانیاں تھوڑے بہت فرق کے ساتھ تقریبا ایک جیسی تھی.صنم سعید نے کہا کہ میں نے ہمیشہ یہ سوچ کر کے کوئی بھی ڈرامہ سائن کیا کہ اس کے زریعے ہم سوسائٹی کو کیا پیغام دے رہے ہیں. میں اس نسل کی نمائندہ فنکارہ ہوں لیکن جیسی کہانیاں بن رہی ہیں میں ان کے حق میں

نہیں ہوں. صنم نے کہا کہ فلموں میں بھی کام کیا اچھا تجربہ رہا لیکن یہ بات طے ہے کہ میرا جب دل کرتا ہے میں کام کرتی ہوں . انہوں نے کہا کہ چاہے تھوڑا کم کام کر لیں لیکن معیار کو ضرور مد نظر رکھیں. یاد رہے کہ صنم سعید فواد خان کے ساتھ ایک بار پھر نظر آرہی ہیں اور اس بار وہ ایک ویب سیریز میں نظر آئیں گی.