صنم ماروی کا گلوکاری میں واپسی کا اعلان

معروف صوفی گلوکارہ صنم ماروی نے رواں ماہ 23 جون کو گلوکاری چھوڑنے کا اعلان کیا تھا تاہم گذشتہ روز 24 جون کو انہوں نے گلوکاری میں واپسی کا اعلان کردیا۔

باغی ٹی وی : معروف صوفی گلوکارہ صنم ماروی نے رواں ماہ 23 جون کو گھریلو تنازعات کے بعد گلوکاری چھوڑنے کا اعلان کیا تھا صنم ماروی نے گلوکاری چھوڑنے کا اعلان اس وقت کیا تھا جب ان کی سوتیلی بہن گلوکارہ ریشماں پروین نے ان پر شدید الزامات لگاتے ہوئے ان کے خلاف پولیس میں شکایت درج کروائی۔

ریشماں پروین نے 22 جون کو سندھی زبان میں ایک مختصر ویڈیو بیان جاری کرتے ہوئے دعوی کیا تھا کہ ان کی بہن صنم ماروی نے نجی گارڈز کے ساتھ ان کے گھر میں گھس کر انہیں تشدد کا نشانہ بنایا اور قتل کی دھمکیاں دیں، کیوں کہ وہ ان کی تیسری شادی سے متعلق باتیں جانتی ہیں

ریشماں پروین نے دعوی کیا کہ صنم ماروی نے حامد خان سے فروری میں خلع کے بعد کبیب نواز نامی لڑکے سے شادی کرلی ہے۔

ریشماں پروین نے مزید بتایا تھا کہ بہن کی جانب سے قتل کی دھمکیاں دیے جانے کے بعد انہوں نے لاہور کے پولیس تھانے میں شکایت بھی درج کروادی ہے-

ریشما ں نے کہا تھا کہ وہ تین ماہ قبل ہی سندھ سے لاہور منتقل ہوئی ہیں اور صنم ماروی انہیں دھمکیاں دے رہی ہیں کہ وہ لاہور میں زندہ رہ کر دکھائیں

سوتیلی بہن کی ویڈیو وائرل ہونے کے بعد صنم ماروی نے سندھی نیوز چینل (ٹائمز نیوز) سے بات کرتے ہوئے اعلان کیا تھا کہ وہ آئندہ 15 سے 20 دن میں گلوکاری کو چھوڑ دیں گی۔

صنم ماروی نے جذباتی انداز میں کہا تھا کہ جب ان کے اہل خانہ ہی ان کے دشمن بن جائیں اور ان کی ملکیت اور پیسہ ہی ان کے تنازعات کا سبب بنے تو وہ ایسے شعبے میں مزید کام کرنے میں دلچسپی نہیں رکھتیں۔

صنم ماروی نے اپنے خاندانی جھگڑے کو مداحوں کے تنازع سے جوڑتے ہوئے کہا کہ ان کے گلوکاری چھوڑنے کی ایک وجہ سندھی مداحوں کی جانب سے ان کی کردارکشی کرنا بھی ہے اور سندھ کے مداح ان کی کردارکشی کرتے ہوئے ان کے لیے خلاف نامناسب زبان استعمال کر رہے ہیں اور وہ مزید گلوکاری نہیں کرنا چاہتیں۔

صنم ماروی نے یہ بھی کہا تھا کہ سندھ کے مداحوں نے ہمیشہ ان کی کردارکشی کی جب کہ پاکستان بھر کے دیگر مداحوں نے انہیں عزت دی۔

انہوں نے یہ بھی کہا تھا کہ اب سندھ کی سرزمین کسی اچھے گلوکار کے لیے ترس جائے گی اور کوئی بھی شاہ، سچل اور سامی کو گانا والا گلوکار سندھ کو نہ ملے گا۔

صنم ماروی کی جانب سے خاندانی تنازع کو سندھ کے مداحوں سے جوڑنے پر بعض مداحوں نے ان سے ناراضگی کا اظہار کیا اور کہا کہ صنم ماروی کو پہلا پیار اور پہلی شہرت سندھ کے لوگوں نے ہی دی اور گلوکارہ کو شدید تنقید کا نشانہ بنایا گیا تھا۔

جس کے بعد گلوکارہ نے ایک ویڈیو جاری کرکے سندھ کے تمام مداحوں سے اپنے روئیے پر معافی بھی مانگی گلوکاری کرنے کا اعلان بھی کیا۔

صنم ماروی نے سوشل میڈیا تقریبا 7 منٹ اور 42 سیکنڈ کی سندھی زبان میں جاری کی گئی ویڈیو میں گزشتہ روز موسیقی چھوڑنے کے اعلان کی وضاحت کرتے ہوئے کہا کہ ان کے کہنے کا مقصد تھا کہ سندھ کے عوام نے ان کا بیان سنے بغیر ہی ان انہیں جھوٹا کہہ کر ان کی کردارکشی کر نا شروع کر دی تھی جس وجہ سے انہوں نے غصے میں آکرگلوکاری چھوڑنے کا اعلان کیا۔

صنم ماروی اپنے خاندانی معاملات پر بات کرتے ہوئے جذباتی بھی ہوگئیں اور کہا کہ شوہر سے خلع کے بعد انہوں نے ابھی تک اپنے بچوں کو نہیں دیکھا اور وہ ان کی ایک جھلک دیکھنے کے لیے ہی یہ جنگ لڑ رہی ہیں۔

صنم ماروی نے سندھ کے مداحوں سے معافی مانگتے ہوئے کہا کہ اگر ان کے نام سے سرزمین سندھ کی ہیروئن ماروی کا نام نکال لیا جائے تو وہ کچھ بھی نہیں رہیں گی اور وہ سندھ کے مداحوں کو برا بھلا کہنے کی بات سوچ بھی نہیں سکتیں۔

صنم ماروی نے اپنے فیس بک پر ایک پوسٹ بھی شئیر کی جس میں انہوں نے واپس گلوکاری کی جانب آنے کا اعلان کرتے ہوئے کہا کہ وہ اپنے مداحوں کے سامنے شاہ عبد اللطیف بھائی کا گانا اور سندھ کے لئے ایک قومی ترانہ گائیں گی۔

خیال رہے کہ صنم ماروی اور ریشماں پروین کی والدہ ایک ہی ہے، تاہم دونوں کے والد الگ ہیں صنم ماروی کے والد بھی سندھ کے معروف گلوکار تھے اور ان کے قتل کے بعد ان کی والدہ نے دوسری شادی کی۔

معروف صوفی گلوکارہ صنم ماروی نے گلوکاری چھوڑنے کا اعلان کردیا