صنعت و تجارت کے فروغ کیلئے بزدار حکومت کے متاثر کن اقدامات

صنعت و تجارت کے فروغ کیلئے بزدار حکومت کے متاثر کن اقدامات

باغی ٹی وی : وزیر اعلی سردار عثمان بزدار کی قیادت میں صوبائی حکومت کی پنجاب کو پاکستان کا بزنس حب بنانے کے لئے7 دہائیوں بعد مخصلانہ کاوشیں کیں ہیں. عثمان بزدار نے کہا ہے کہ تحریک انصاف کی پنجاب حکومت کے 2برس کی قلیل مدت میں 13 سپیشل اکنامک زونز اور انڈسٹریل اسٹیٹس پر کام شروع ہو چکا ہے۔ قیام پاکستان سے اب تک 73برس میں سابق حکمرانوں نے صرف 3 SEZs بنائے۔ ہم نے صرف 2 سال میں صنعتی شعبے کیلئے وہ اصلاحات متعارف کروائیں جو شوبازیاں کرنے والے اگلے 70 برس میں بھی نہ کر پاتے۔

ان کا کہنا تھا کہ اکنامک زونز اور انڈسٹریل اسٹیٹس 10 ہزار ایکڑ سے زائد رقبے پر قائم کئے جارہے ہیں۔فیصل آباد میں قائم ہونے والا علامہ اقبال انڈسٹریل سٹی 3 ہزار ایکڑ سے زائد رقبے پر محیط ہے۔ علامہ اقبال انڈسٹریل سٹی سے براہ راست 3 لاکھ نوجوانوں کیلئے روزگار کے مواقع پیدا ہونگے۔ بین الاقوامی کمپینوں کو پاکستان لارہے ہیں اور ان کی سہولت کیلئے صنعتی اسٹیٹس میں ون ونڈو سسٹم قائم کئے گئے ہیں۔انڈسٹریل سٹی میں 550 سے زائد صنعتی یونٹس لگانے کی گنجائش ہوگی۔

عثمان بزدار نے کہا معیشت کا پہیہ رواں رکھنے میں یہ منصوبہ گیم چینجر ثابت ہوگا، جس کی بدولت متعلقہ شعبوں میں 10 لاکھ ملازمتوں کے مواقع پیدا ہونگے۔پنجاب حکومت کی صنعتی اصلاحات کوویڈ19 کے تناظر میں معاشی بحالی کی راہیں ہموار کریں گی۔بین الصوبائی تجارت کے فروغ کیلئے دیگر صوبوں سے ملحقہ اضلاع میں انفراسٹرکچر پر کام جاری ہے۔پنجاب کی معاشی ترقی پاکستان سمیت پورے خطے میں صنعتی انقلاب برپا کرے گی۔